Azərbaycan aclıqla
mübarizə istiqamətində qlobal təşəbbüslərə
mühüm töhfələr verir
Azərbaycan
aclıqla mübarizə, ərzaq və qida təhlükəsizliyinin
təmin olunması istiqamətində qlobal təşəbbüslərə
mühüm töhfələr verir.
Bu
sözləri BMT-nin Ərzaq və Kənd Təsərrüfatı
Təşkilatının (FAO) baş direktoru Jose Qratsiano da
Silva AzərTAc-ın xüsusi müxbirinə müsahibəsində
söyləyib.
Romada keçirilmiş
II Beynəlxalq qidalanma konfransı
haqqında məlumat verən FAO-nun baş direktoru bildirib ki, tədbirə
170-dən çox ölkənin nümayəndələri
qatılıb. Azərbaycanın da
belə bir tədbirdə təmsil olunması
təsadüfi deyil. “Ölkəniz “Minilliyin İnkişaf Məqsədləri”
bəyannaməsində xüsusi vurğulanan aclığın
qarşısının alınması hədəfinə nail olunması istiqamətində fəal
işlər görən ilk dövlətlərdəndir”
– deyə baş direktor
qeyd edib.
Jose Qratsiano da Silva diqqətə çatdırıb ki, Bakıda FAO-nun Tərəfdaşlıq və Əlaqələndirmə Ofisinin təsis edilməsi ilə bağlı danışıqlar artıq yekun mərhələyə qədəm qoyub. FAO rəsmisi Prezident İlham Əliyevlə görüşünü xatırladıb və bu məsələdə dövlətimizin başçısının böyük dəstəyini hiss etdiyini bildirərək deyib: “Ölkənizdə qeyri-neft sektorunun sürətli inkişafı müşahidə olunmaqdadır. Azərbaycan yaxın zamanda kənd təsərrüfatı məhsullarının ixracı üzrə çox önəmli ölkəyə çevrilə bilər”.
Maqsud Dadaşov
AzərTAc-ın xüsusi müxbiri,
Roma
Azərbaycan. - 2014.- 23 noyabr.- S.6.