Azərbaycan ilə Türkiyə əlillərin
cəmiyyətə
inteqrasiyası sahəsində
sıx əməkdaşlıq edir
Noyabrın
29-da Bakı Biznes Mərkəzində Türkiyənin “Beyazay”
dərnəyinin təşkilatçılığı ilə
“Türkiyə-Azərbaycan əlillərinin dostluğu
günü” mövzusunda beynəlxalq əlillər simpoziumu
keçirilib.
AzərTAc
xəbər verir ki, tədbirdə Azərbaycan və
Türkiyə parlamentlərinin deputatları, qardaş ölkələrimizin
hökumət və qeyri-hökumət təşkilatlarının
nümayəndələri və s. iştirakı ediblər.
Tədbirin
məqsədi əlillərin cəmiyyətə
inteqrasiyası sahəsində əməkdaşlığın
genişləndirilməsi, eyni zamanda, Türkiyənin bu istiqamətdə
təcrübəsinin öyrənilməsidir.
AzərTAc
xəbər verir ki, tədbir iştirakçıları əvvəlcə
türkiyəli əlil insanların əl işlərindən
ibarət sərgi ilə tanış olublar.
Sonra
“Beyazay” dərnəyinin fəaliyyəti ilə bağlı
videoçarx göstərilib, qardaş ölkənin əlillərindən
ibarət “Duyğu” musiqi ansamblı konsert proqramı ilə
çıxış edib.
“Beyazay”
dərnəyinin baş direktoru Lokman Ayva çıxış
edərək bildirib ki, 1988-ci ildə Türkiyədə bir
qrup gözdən əlil şəxs tərəfindən
yaradılmış dərnəyin hazırda qardaş ölkədə
70-dən çox, xaricdə isə 4 filialı fəaliyyət
göstərir. Dərnək Türkiyədə və xaricə
sağlamlıq imkanları məhdud şəxslərin təhsil
və həyat səviyyələrinin yüksəldilməsi
üçün müxtəlif layihələr həyata
keçirir. Azərbaycanın və Türkiyənin qardaş
ölkə olduqlarını vurğulayan L.Ayva qeyd edib ki, daim
bir-birinin yanında yer alan xalqlarımız əlillərin cəmiyyətə
inteqrasiyası, onların təhsil alması və işlə
təmin olunması məsələsində də birgə fəaliyyət
göstərməli, ortaq layihələr həyata keçirməlidir.
Milli
Məclisin sosial siyasət komitəsinin sədri Hadı Rəcəbli
əlil vətəndaşlarımızın cəmiyyətin
müxtəlif sahələrində yüksək fəallıqlarını
qeyd edib. Deputat əlillərin təhsil alıb cəmiyyətə
inteqrasiya etmələrinin əhəmiyyətini xüsusi
vurğulayaraq Azərbaycan dövlətinin bu istiqamətdə
mühüm tədbirlər həyata keçirdiyini bildirib.
Əmək
və əhalinin sosial müdafiəsi nazirinin müavini Natiq Məmmədov
Azərbaycanda əlillərin sosial müdafiəsi, o cümlədən
onların məşğulluğu, reabilitasiyası,
sağlamlıq imkanları məhdud uşaqların
hüquqlarının qorunması, sosial təminatı ilə
bağlı görülən işlərdən
danışıb. O, Azərbaycanda bu sahədə çoxlu
sayda qanunun qəbul edildiyini, ölkəmizin beynəlxalq
konvensiyalara qoşulduğunu bildirib. Bu istiqamətdə
Türkiyənin müvafiq təşkilatları ilə sıx
əlaqələrin olduğunu vurğulayan nazir müavini iki
ölkə arasında sosial siyasət sahəsində əməkdaşlıqla
bağlı müqavilələrin imzalandığını
bildirib, “Beyazay” dərnəyin fəaliyyətini yüksək
qiymətləndirib.
Tədbirdə
çıxış edər azərbaycanlı və
türkiyəli deputatlar, o cümlədən səfir
İsmayıl Alper Coşqun iki ölkə arasında əlaqələrin
inkişafından danışıb, əlillərin sosial
müdafiəsi sahəsində birgə əməkdaşlığın
daha da genişləndirilməsinin vacibliyini qeyd ediblər.
Əlil insanların təhsil almalarının zəruriliyini
xüsusi qeyd edən natiqlər Azərbaycan dövlətinin əlillərə
göstərdiyi diqqət və qayğını yüksək
qiymətləndiriblər.
Azərbaycan.-2014.- 30 noyabr.- S.6.