Azərbaycan ilə İran
bir çox sahələrdə
ortaq dəyərləri paylaşır
Oktyabrın
20-də Bakıda keçirilən “İslam Əməkdaşlıq
Təşkilatına üzv dövlətlərin
inkişafında qadınların rolu” mövzusunda V Beynəlxalq
konfransda iştirak edən İran İslam
Respublikasının ailə və qadın məsələləri
üzrə vitse-prezidenti xanım Şahindoxt Movlaverdi AzərTAc-a
müsahibəsində deyib ki, Azərbaycan ilə İran bir
çox sahələrdə ortaq dəyərləri
paylaşır.
Cəmiyyətdə
bütün resurslarda ədalətli şəkildə bərabər
hüququn təmin olunmasının önəmini qeyd edən
Ş.Molaverdi bildirib ki, İranın siyasətinin əsas
istiqamətlərindən biri də qadınların
hüquqlarının bərpasıdır. Ali təhsil
ocaqlarını bitirən qadınların gələcəkdə
işlə təmin olunmaları istiqamətində ciddi
işlərin görüldüyünü söyləyən
vitse-prezident hər bir cəmiyyətdə qadınların
rolunun artırılmasının vacibliyini qeyd edib.
Azərbaycan
və İran xalqları arasındakı tarixi dostluq,
qardaşlıq münasibətlərinin ölkələrimizin
siyasi, iqtisadi, dini, mədəni sahələrdə əməkdaşlığının
inkişafına töhfə verdiyini deyən Ş.Molaverdi bu əlaqələrin
son vaxtlar daha sürətlə inkişaf etdiyini
vurğulayıb.
Ölkələrimiz
arasında dostluq əlaqələrinin tarixi və ənənəvi
köklərə malik olduğunu diqqətə
çatdıran İranın vitse-prezidenti vurğulayıb ki,
qarşılıqlı səfərlər, keçirilən
müxtəlif tədbirlər, görüşlər əlaqələrimizin
genişlənməsinə xidmət edir.
Azərbaycan.-2014.- 21 oktyabr.- S.3.