“Azərbaycan birinci dünya müharibəsində” mövzusunda elmi-praktiki konfrans keçirilib

Sentyabrın 2-də Azərbaycan Vətən Müharibəsi Veteranları Birliyinin Səbail rayon təşkilatında “Azərbaycan birinci dünya müharibəsində” mövzusunda elmi- praktiki konfrans keçirilib.

AzərTAc xəbər verir ki, konfransda Milli Məclisin deputatları, veteranlar, ziyalılar və ictimaiyyətin nümayəndələri iştirak ediblər.

Respublika Veteranlar Təşkilatının sədri, ehtiyatda olan general-mayor Dadaş Rzayev çıxış edərək bildirib ki, konfrans tarixi döyüşlərin 100 illiyinə həsr olunub.

Sonra Azərbaycan əsgərlərinin birinci dünya müharibəsində göstərdikləri şücaət və igidliklər mövzusunda məruzələr dinlənilib.

Konfransda digər çıxış edənlər azərbaycanlıların birinci dünya müharibəsində göstərdikləri qəhrəmanlıqlardan danışıblar.

Azərbaycan. - 2014.- 3 sentyabr.- S.4.