Müxtəlif mədəniyyətlər və sivilizasiyalar arasında əlaqələrin

dərinləşdirilməsində multikulturalizm siyasəti mühüm rol oynayır

Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, Bakı Beynəlxalq Multikulturalizm Mərkəzinin Himayəçilik Şurasının sədri Kamal Abdullayev dünya şöhrətli Azərbaycan rəssamı, Himayəçilik Şurasının üzvü Tahir Salahovla görüşüb.

Bakı Beynəlxalq Multikulturalizm Mərkəzinin mətbuat xidmətindən AzərTAc-a bildirilib ki, görüşdə Mərkəzin yarandığı gündən bəri görülən işlər və yaxın gələcəkdə həyata keçirilməsi planlaşdırılan tədbirlər barədə söhbət açılıb. Eyni zamanda, müxtəlif mədəniyyətlərin və sivilizasiyaların qarşılıqlı əlaqələrinin dərinləşdirilməsində multikulturalizm siyasətinin önəmindən bəhs edilib. Azərbaycan Respublikasının multikulturalizmi özünün dövlət siyasəti kimi qəbul etməsi faktı diqqətə çatdırılıb, bu siyasətin uğurla həyata keçirilməsinin əsas şərtləri barədə fikir mübadiləsi aparılıb.

Azərbaycan.-2015.- 14 fevral.- S.4.