Azərbaycan ilə Avstriya arasında hərbi sahədə

əməkdaşlığın inkişaf perspektivləri müzakirə olunub

Fevralın 18-də Azərbaycan Respublikasının müdafiə naziri, general-polkovnik Zakir Həsənov Avstriya Respublikasının ölkəmizdəki səfiri Aksel Vex ilə görüşüb.

Müdafiə Nazirliyinin mətbuat xidmətindən AzərTAc-a bildiriblər ki, görüşdə bölgədəki hərbi-siyasi vəziyyət, Ermənistan-Azərbaycan, Dağlıq Qarabağ münaqişəsi müzakirə edilib. Həmçinin ölkələrimiz arasında hərbi sahədə əməkdaşlığın inkişaf perspektivləri nəzərdən keçirilib və regional təhlükəsizlik məsələləri barədə fikir mübadiləsi aparılıb.

Görüşdə Avstriya Silahlı Qüvvələrinin Türkiyədə və Azərbaycandakı hərbi attaşesi, polkovnik Kurt Radner iştirak edib.

Azərbaycan.-2015.- 19 fevral.- S.2.