Azərbaycan Respublikasının Nazirlər Kabinetinin qərarı

№ 239 Bakı şəhəri, 25 iyun 2015-ci il

Azərbaycan Respublikası Nazirlər Kabinetinin 2007-ci il 6 noyabr tarixli 171 nömrəli qərarı ilə təsdiq edilmiş “Azərbaycan Respublikasının ərazi sularında üzmə Qaydaları”nda dəyişikliklər edilməsi haqqında

“Ovçuluq haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2015-ci il 6 mart tarixli 1225-IVQD nömrəli Qanununun tətbiqi haqqında” Azərbaycan Respublikası Prezidentinin 2015-ci il 3 aprel tarixli 1154 nömrəli Sərəncamının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2007-ci il 6 noyabr tarixli 171 nömrəli qərarı (Azərbaycan Respublikasının Qanunvericilik Toplusu, 2007, № 11, maddə 1173; 2012, № 10, maddə 1022) ilə təsdiq edilmiş “Azərbaycan Respublikasının ərazi sularında üzmə Qaydaları”nda aşağıdakı dəyişikliklər edilsin:

1. 1.4-cü bəndin onuncu abzasında “balıq ovu” sözləri “balıq və digər su bioresurslarının ovu” sözləri ilə, “balıq ovlayan” sözləri isə “balıq və digər su bioresurslarının ovunu həyata keçirən” sözləri ilə əvəz edilsin.

2. 2.5-ci bənddə “balıq tutulmasına” sözləri “balıq və digər su bioresurslarının ovuna” sözləri ilə əvəz edilsin.

3. 8.17-ci bəndin ikinci abzasında “balıq ovlamaq” sözləri “balıq və digər su bioresurslarını ovlamaq” sözləri ilə, üçüncü və dördüncü abzaslarında isə “balıq ovu” sözləri “balıq və digər su bioresurslarının ovu” sözləri ilə əvəz edilsin.

Artur RASİ-ZADƏ,

Azərbaycan Respublikasının Baş naziri

Azərbaycan.- 2015.- 5 iyul.- S. 1.