Gəncənin tarixi məkanları ilə tanışlıq çoxdankı arzum idi

Prezident İlham Əliyevin tapşırığına əsasən “Ölkəmizi tanıyaq” devizi altında keçirilən tur-aksiya biz yeniyetmələrin Vətənimiz haqqında olan biliklərimizi ikiqat artırır. Bölgələri gəzdikcə və onun tarixi ilə yaxından tanış olduqca görürük ki, nə qədər zəngin tarixə malik bir ölkədə yaşayırıq.

Bu sözləri Biləsuvar rayon Əsgərabad kənd orta məktəbinin IX sinif şagirdi Seyidhəsən Sultanlı AZƏRTAC-a müsahibəsində deyib.

S.Sultanlı bildirib: “Ekskursiya zamanı bölgələrimizdəki tarixi məkanların bir çoxu ilə ilk dəfə tanış olacağam. Gəncənin tarixi məkanları ilə tanışlıq isə çoxdankı arzum idi. Eyni zamanda, biz şagirdlər bu səfərlər zamanı ölkəmizin necə inkişaf etdiyinin şahidi oluruq. Xüsusilə Gəncənin timsalında bunu daha aydın şəkildə gördük. Məni sevindirən odur ki, şəhərin tarixi qorunmaqla gündən-günə gözəlləşir. Bütün bunlara görə hər birimiz dövlətimizin başçısına minnətdarıq”.

Azərbaycan.- 2015.- 18 noyabr.- S. 6.