Quba-Qusar-Xaçmaz marşrutu üzrə ekskursiyaya 300-ə yaxın məktəbli qatılıb

Prezident İlham Əliyevin tapşırığına əsasən “Ölkəmizi tanıyaq” devizi ilə keçirilən maarifləndirici tur-aksiya çərçivəsində səkkiz rayonu təmsil edən məktəblilər noyabrın 16-da Qubaya gəliblər.

AZƏRTAC xəbər verir ki, İsmayıllı, Şamaxı, Şəki, Qəbələ, Oğuz, Qax, Zaqatala və Balakən rayonlarından olan ümumilikdə, 300-ə yaxın şagird dörd gün ərzində Quba-Qusar-Xaçmaz marşrutu üzrə ekskursiyada iştirak edəcək.

Məktəblilər Qubadakı Heydər Əliyev adına parkda qarşılanıblar. Tur-aksiya iştirakçıları burada Heydər Əliyev Mərkəzi və Gənclər Mərkəzi ilə yaxından tanış olublar.

Dövlətimizin başçısının tapşırığına əsasən həyata keçirilən tur-aksiya çərçivəsində məktəblilər Qusar, Quba və Xaçmaz rayonlarına səfər edəcəklər. Onlar buradakı qədim tarixi, mədəniyyət abidələri, turizm mərkəzləri və digər görməli yerlərlə yaxından tanış olacaqlar.

Azərbaycan.- 2015.- 18 noyabr.- S. 6.