Azərbaycan ilə Beynəlxalq Miqrasiya Təşkilatı arasında əməkdaşlığın genişləndirilməsinə dair müzakirələr aparılıb

Beynəlxalq Miqrasiya Təşkilatının baş direktoru Uilyam Leysi Sinqin başçılıq etdiyi nümayəndə heyəti Azərbaycana səfəri çərçivəsində Dövlət Miqrasiya Xidmətində olub.

AZƏRTAC xəbər verir ki, Xidmət rəisi Firudin Nəbiyev ilə görüşdə Azərbaycan və Beynəlxalq Miqrasiya Təşkilatı arasında əməkdaşlığın genişləndirilməsinə dair müzakirələr aparılıb.

Uilyam Leysi Sinq Azərbaycanda əcnəbilərin hüquqlarının qorunması sahəsində görülən işlərin təqdirəlayiq olduğunu vurğulayıb.

Qonaqlar Dövlət Miqrasiya Xidmətinin Heydər Əliyev Muzeyi və qanunsuz miqrantların saxlanılması mərkəzinin fəaliyyəti ilə tanış olublar.

AZƏRTAC

Azərbaycan.- 2015.- 4 sentyabr.- S. 4.