Dahi bəstəkar Üzeyir Hacıbəylinin xatirəsi yad olunub

 

18 sentyabr - Milli Musiqi Günü hər il olduğu kimi bu il ölkəmizdə geniş təntənəli şəkildə qeyd edilməkdədir. Bununla yanaşı, bu musiqi bayramı tariximizə görkəmli bəstəkar, Azərbaycan professional musiqi sənətinin banisi, ensiklopedik biliyə malik musiqişünas alim Üzeyir Hacıbəylinin doğum günü kimi həkk olunub.

AZƏRTAC xəbər verir ki, bu münasibətlə sentyabrın 18-də tanınmış mədəniyyət incəsənət xadimləri, musiqisevərlər Fəxri xiyabana gələrək dahi bəstəkar Üzeyir Hacıbəylinin digər görkəmli mədəniyyət, incəsənət xadimlərinin məzarlarını ziyarət ediblər.

Mədəniyyət turizm nazirinin müavini Ədalət Vəliyev Üzeyir Hacıbəylinin məzarı ətrafına toplaşmış tədbir iştirakçılarını musiqi bayramı münasibətilə təbrik edərək bildirib ki, bu gün sadəcə musiqisevərlərin deyil, həm bütün Azərbaycan xalqının bayramıdır. Nazir müavini böyük bəstəkarın doğum gününün bayram kimi qeyd edilməsi ənənəsinin ulu öndər Heydər Əliyev tərəfindən qoyulduğunu diqqətə çatdırıb. Ümummilli Liderimizin 1995-ci ildə - dahi bəstəkarın anadan olmasının 110 illik yubileyi ərəfəsində imzaladığı Fərmanla hər il sentyabrın 18-i ölkəmizdə Milli Musiqi Günü kimi qeyd olunur.

Qeyd olunub ki, həmişə olduğu kimi, bu dəfə sentyabrın 18-dən başlanaraq bütün musiqi müəssisələrində dahi Üzeyir Hacıbəylinin doğum günü qeyd olunacaq. Heydər Əliyev Fondunun Mədəniyyət Turizm Nazirliyinin təşkilatçılığı ilə Azərbaycanda sentyabrın 18-də başlanan Üzeyir Hacıbəyli VII Beynəlxalq Musiqi Festivalı sentyabrın 28-dək davam edəcək.

Sonra Azərbaycan Dövlət Xor Kapellasının ifasında Üzeyir Hacıbəylinin "Şəbi-hicran"ı səslənib.

Daha sonra Mədəniyyət Turizm Nazirliyinin nümayəndələri, tanınmış mədəniyyət incəsənət xadimləri, musiqiçilər Azərbaycan Milli İncəsənət Muzeyinin bağındakı "Güllələnmiş heykəllər" abidəsinin ziyarət edib, burada Üzeyir Hacıbəylinin, Bülbülün Xurşidbanu Natəvanın heykəlləri önünə qərənfillər düzüblər.

 

Azərbaycan.- 2015.- 19 sentyabr.- S. 7.