Həmişə müasir olan qədim sənət nümunələri

Qəbələ qədim tarixə malik yurd yerimizdir. Bu diyar Azərbaycanın dövlətçilik tarixində müstəsna rol oynamış qədim Qafqaz Albaniyasının paytaxtı olub.

Yüksək şəhər mədəniyyətinin burada erkən təşəkkül tapması Qəbələdə müxtəlif sənət növlərinin - xalçaçılığın, dulusçuluğun, dəmirçiliyin, misgərliyin, əkinçiliyin təşəkkül tapmasına imkan yaradıb. Burada toxunan xalçalar, palazlar, xurcunlar, mərfəşlər, keçələr özünəməxsus çalarları, ilmələri və toxuma texnikası ilə fərqlənir.

Rayonda maddi mədəniyyət növləri kimi, mənəvi sərvətimiz olan musiqi və rəqslər də yerli əhali tərəfindən davam etdirilir. Qədim dünyagörüşümüzün, mənəvi inkişafımızın tarixi olan folklor nümunələri bu gün də yaşadılır. Folklor həm də hər bir xalqın qədimliyinin və mənəvi zənginliyinin simvoludur.

İndi Qəbələ özündə qədim tarixlə bərabər, müasir dövrün inkişafını birgə yaşadır. Elə buna görə də rayona səfər edən xarici turistlər buradan zəngin təəssüratla ayrılırlar.

Fərman BAĞIROV (foto)

Azərbaycan.- 2016.- 19 iyun.- S. 8.