Bakı VII Azərbaycan-Rusiya
Regionlararası Forumunun
iştirakçıları Lənkəran və Astarada olmuşlar
Bakı VII Azərbaycan-Rusiya Regionlararası Forumunun iştirakçısı olan Rusiya Federasiyasının Həştərxan vilayətinin nümayəndə heyəti tanışlıq məqsədilə Lənkəran və Astarada səfərdə olmuşlar.
Lənkəran Turizm İnformasiya Mərkəzi qonaqlar üçün info-tur təşkil etmişdir. İnfo-tur çərçivəsində qonaqlar Lənkəranın tarix və mədəniyyət abidələri ilə tanış olmuş, turizm baxımından maraqlı olan məkanlara səyahət etmişlər. Eyni zamanda qonaqlara Lənkəran mətbəxinin zəngin nümünələri təqdim olunmuşdur. Astara rayonunda isə forum iştirakçıları terminal vannalara, turizm məkanlarına baxmışlar.
Qonaqlara TİM tərəfindən hazırlanan Lənkəranın turizm potensialını təbliğ edən buklet, flayer, kalendarlar və videoçarx olan DVD disk təqdim edilmişdir.
Nümayəndə heyəti göstərilən qonaqpərvərliyə görə təşəkkür etmiş, geniş əməkdaşlıq qurulması üçün Rusiya Federasiyasının müvafiq qurumlarına müraciət edəcəklərini bildirmişlər.
İlqar ƏZİMOV,
Lənkəran Turizm İnformasiya Mərkəzinin
direktoru
Azərbaycan.- 2016.- 5 noyabr.- S.5.