Azərbaycan alimi beynəlxalq forumda məruzə edib

Rusiyanın Rostov-Don şəhərində qafqazşünas tarixçilərin IV beynəlxalq forumu keçirilib. Rusiya Cənub Federal Universiteti, Rusiya Elmlər Akademiyasının Cənub Elmi Mərkəzi, Çeçen Respublikası Elmlər Akademiyası, “Qafqaz-yeni üfüqlər” Fondu və “Ölkə” Regional Tədqiqatlar Fondunun təşkilatçılığı ilə təşkil edilən forumda Azərbaycan, Gürcüstan və İsraildən olan qafqazşünas tarixçilər də iştirak ediblər.

Forumun plenar iclasında Milli Məclisin deputatı, AMEA Qafqazşünaslıq İnstitutunun direktoru, professor Musa Qasımlı “XIX əsrdə Qafqazda köçürmə siyasəti və nəticələri (Rusiya arxiv materialları əsasında)” mövzusunda məruzə ilə çıxış edib. Rusiya arxivlərinin ən mötəbər mənbələri əsasında hazırlanan məruzə maraqla qarşılanıb və yüksək qiymətləndirilib. Azərbaycan alimi, eyni zamanda bölmə iclaslarından birinə sədrlik edib.

Azərbaycan.- 2016.- 25 oktyabr.- S. 6.