Azərbaycan Respublikasının Nazirlər Kabinetinin qərarı 357

357 Bakı şəhəri, 21 sentyabr 2016-cı il

 

Azərbaycan Respublikası Nazirlər Kabinetinin 2008-ci il 19 dekabr tarixli 277 nömrəli qərarı ilə təsdiq edilmiş Dövlət orqanlarının aparatının (və ya onların fəaliyyətini təmin edən qurumların) və onun bölmələrinin adlarında dəyişikliklər edilməsi haqqında

Azərbaycan Respublikası Mədəniyyət və Turizm Nazirliyinin strukturunun təkmilləşdirilməsi haqqında Azərbaycan Respublikası Prezidentinin 2016-cı il 29 mart tarixli 1932 nömrəli Sərəncamının 4.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2008-ci il 19 dekabr tarixli 277 nömrəli qərarı (Azərbaycan Respublikasının Qanunvericilik Toplusu, 2008, N12, maddə 1115; 2009, N2, maddə 153, N4, maddə 282, N7, maddə 605, N8, maddələr 674, 680, N10, maddələr 846, 852, 856; 2010, N1, maddə 60, N2, maddələr 146, 161, N10, maddələr 906, 912, N11, maddə 1040; 2011, N1, maddə 66, N5, maddə 446, N9, maddələr 856, 862; 2012, N5, maddə 479, N8, maddə 818, N10, maddə 1027, N11, maddə 1205; 2013, N1, maddə 74, N8, maddələr 1014, 1037; 2014, N1, maddə 69, N3, maddə 313, N6, maddə 736, N7, maddə 919, N10, maddə 1308; 2015, N2, maddə 227, N5, maddə 611, N6, maddə 800, N11, maddə 1414; 2016, N1, maddə 171, N2 (II kitab), maddə 382, N3, maddə 608, N4, maddələr 782, 831, N5, maddə 955; Azərbaycan Respublikası Nazirlər Kabinetinin 2016-cı il 1 iyul tarixli 263 nömrəli qərarı) ilə təsdiq edilmiş Dövlət orqanlarının aparatının (və ya onların fəaliyyətini təmin edən qurumların) və onun bölmələrinin adlarında Bakı, Gəncə, Sumqayıt şəhər mədəniyyət və turizm idarələri sözləri Bakı Şəhər Mədəniyyət və Turizm Baş İdarəsi sözləri ilə, Rayon (şəhər) mədəniyyət və turizm şöbələri sözləri Regional mədəniyyət və turizm idarələri sözləri ilə əvəz edilsin.

Artur RASİ-ZADƏ,

Azərbaycan Respublikasının Baş naziri

Azərbaycan.-2016.- 24 sentyabr.- S.10.