Azərbaycan Respublikasının Nazirlər Kabinetinin qərarı № 355

№ 355 Bakı şəhəri, 21 sentyabr 2016-cı il

“Elektron hökumət” portalına qoşulmalı olan informasiya sistemlərinin və ehtiyatlarının Siyahısı”nın və “İnformasiya sistemlərinin və ehtiyatlarının, elektron xidmətlərin “Elektron hökumət” portalına qoşulması üçün Texniki Tələblər”in təsdiq edilməsi haqqında” Azərbaycan Respublikası Nazirlər Kabinetinin 2014-cü il 1 may tarixli 118 nömrəli qərarında dəyişikliklər edilməsi barədə

“Əhalinin sosial müdafiəsi sahəsində idarəetmənin təkmilləşdirilməsi tədbirləri haqqında” Azərbaycan Respublikası Prezidentinin 2016-cı il 18 mart tarixli 853 nömrəli Fərmanının 3.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2014-cü il 1 may tarixli 118 nömrəli qərarı (Azərbaycan Respublikasının Qanunvericilik Toplusu, 2014, N5, maddə 547; 2015, N8, maddə 974, N11, maddə 1417; 2016, N4, maddə 795, N5, maddə 955, N6, maddə 1192) ilə təsdiq edilmiş 1 nömrəli əlavə - “Elektron hökumət” portalına qoşulmalı olan informasiya sistemlərinin və ehtiyatlarının Siyahısı”nın 21-ci hissəsi ləğv edilsin və aşağıdakı məzmunda 6.1-1-ci və 6.1-2-ci bəndlər əlavə edilsin:

6.1-1.Fərdi uçot sistemində sığortaolunanların məlumat bazası

6.1-2.Pensiyaçılar üzrə informasiya ehtiyatı

Artur RASİ-ZADƏ,

Azərbaycan Respublikasının Baş naziri

Azərbaycan.-2016.- 24 sentyabr.- S.10.