Azərbaycan Respublikasının Nazirlər Kabinetinin qərarı

№ 407 Bakı şəhəri, 29 dekabr 2015-ci il

“Azərbaycan Respublikası Kənd Təsərrüfatı Nazirliyinin və onun yanında yaradılmış dövlət agentliyinin və dövlət xidmətlərinin işçilərinin say tərkibi haqqında” Azərbaycan Respublikası Nazirlər Kabinetinin 2005-ci il 4 iyul tarixli 126 nömrəli qərarının ləğv edilməsi barədə

“Azərbaycan Respublikası Kənd Təsərrüfatı Nazirliyinin strukturuna daxil olan bəzi qurumların əsasnamələrinin təsdiq edilməsi haqqında” Azərbaycan Respublikası Prezidentinin 2015-ci il 23 iyul tarixli 571 nömrəli fərmanının 4.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

“Azərbaycan Respublikası Kənd Təsərrüfatı Nazirliyinin və onun yanında yaradılmış dövlət agentliyinin və dövlət xidmətlərinin işçilərinin say tərkibi haqqında” Azərbaycan Respublikası Nazirlər Kabinetinin 2005-ci il 4 iyul tarixli 126 nömrəli qərarı (Azərbaycan Respublikasının Qanunvericilik Toplusu, 2005, №7, maddə 660, № 10, maddə 981; 2006, № 4, maddələr 370, 379; 2007, № 5, maddə 558) ləğv edilsin.

Artur RASİ-ZADƏ,

Azərbaycan Respublikasının Baş naziri

Azərbaycan. - 2016.- 7 yanvar.- S.2.