Azərbaycan öz multikulturalizm
modelini dünyaya təklif edir
IV Ümumdünya
Mәdәniyyәtlәrarası Dialoq Forumu
çәrçivәsindә “Yeni milliyyətçiliyin
yaranması: populizm və qütbləşmənin
qarşısını necə almalı?” mövzusunda panel
sessiya təşkil edilib.
AZƏRTAC xəbər verir ki, “Global Compass” şirkətinin prezidenti Jan-Kristof Basın moderatorluğu ilə keçirilən sessiyada çıxış edən Varvik Universitetinin professoru Riçard Hiqot bildirib ki, populizmin artması qloballaşmadan irəli gəlir. Populizmin və milliyyətçiliyin artması mәdәniyyәtlәrarası dialoqun qurulmasına böyük ziyan vurur.
Son dövrlərdə populistlər daha çox Qərbdə aktivləşiblər. Onlar keçmişin daha yaxşı olduğunu düşünürlər, milliyyətçilik nostalgiyası ilə yaşayırlar. Populistlər Böyük Britaniyada “Brexit”ə düşmən münasibət bəsləyirlər, Avropada isə miqrantlara qarşı düşmən mövqeyi tuturlar. Populistlər elə hesab edirlər ki, dövlət onlara xəyanət edib.
Brüsseldəki Virje Universitetinin elmi işçisi Vircinia Proud populist siyasətçilərdən danışaraq bildirib ki, populistlər özlərini brend kimi təbliğ edirlər, insanların zəif nöqtələrini tapıb ondan danışırlar. Bunun üçün populistlər sosial şəbəkələrdən aktiv istifadə edir, insanları öz ətrafına toplayırlar, onların fikirləri ilə oynayırlar.
Vircinia Proud qeyd
edib ki, son dövrdə sosial media siyasətdə geniş istifadə olunur. Hazırda
dünyada 3,73 milyard internet istifadəçisi
var. Onlardan 2,8 milyardı
sosial şəbəkələrdən
istifadə edir. Dünyanın 26 ölkəsində əhalinin 51 faizi sosial mediadan xəbər mənbəyi
kimi istifadə edir.
Milli Məclisin deputatı, professor Hikmət Babaoğlu çıxışında
bildirib ki, bəşəriyyət tarixi
inkişafın çətin
bir dövründən
keçir. Hazırda müsəlman dövlətlərinə
və İslam dininə qarşı müxtəlif oyunlar təşkil edilir. Qərbdə
mövcud olan ksenofobiya və islamofobiya qütbləşməni
yaradan aminlərdəndir.
Bu isə sivilizasiyalar
arasında dialoq yaratmağa çətinlik
törədir. Azərbaycan bu
çətin bir dövrdə öz multikulturalizm modelini təklif edir.
Sessiya müzakirələrlə
davam edib.