“Huffington Post”: Ekstremizmlə mübarizədə
idman önəmli amildir
Böyük Britaniyada nəşr edilən “Huffington Post” qəzetində
ekstremizmlə mübarizədə
idmanın rolundan bəhs edən məqalə dərc olunub.
AZƏRTAC xəbər
verir ki, Müdəssər Əhmədin
müəllifi olduğu
məqalədə Bakıda
keçirilmiş IV İslam
Həmrəyliyi Oyunları
bu məsələdə
nümunə kimi göstərilir.
Yazıda İslam və Qərb dünyasında müxtəlif dini və etnik qrupların
birgəyaşayışı üçün getdikcə
artan təhlükə
fonunda insanları birləşdirmək məqsədilə
yeni model yaratmağın
zamanının çatdığı
bildirilir. Qeyd edilir ki, pis sosial əlaqələr,
səmərəli asudə
vaxtın olmaması və aşağı özünüqiymətləndirmə gənclərin terror qruplaşmalarına
cəlb edilməsini daha da asanlaşdırır.
Müəllif bu məsələlərin
həllində İslam
Əməkdaşlıq Təşkilatının
və Azərbaycan hökumətinin birgə İslam həmrəyliyi təşəbbüsü ilə
müsəlman ölkələrini
bir araya gətirməsinin təqdirəlayiq
olduğunu vurğulayır.
Qeyd edilir ki, bu həftə
başa çatmış
IV İslam Həmrəyliyi
Oyunları İƏT-ə üzv ölkələrdən
gənc müsəlman
idmançıları - kişi və qadın atletləri bir araya gətirdi.
Məqalədə bildirilir ki, IV İslam Həmrəyliyi Oyunlarının əsas mövzularından biri də qadınların hüquqları və imkanlarının genişləndirilməsi
idi. Təsadüfi deyil ki, bu Oyunlar Azərbaycanın
Birinci vitse-prezidenti Mehriban Əliyevanın rəhbərliyi altında
təşkil olunmuşdu.
Mehriban Əliyeva birinci xanım qismində uzun illərdir ki, UNESCO-nun və ISESCO-nun
tək qadın xoşməramlı səfiri
olaraq mədəniyyətlərarası
və sivilizasiyalararası
dialoqu dəstəkləyir.
Onun təşəbbüs ilə
həm Bakıda, həm də xaricdə mədəniyyətlərarası
dialoqa xidmət edən xeyriyyə tədbirləri keçirilir.
Məqalədə bildirilir
ki, BMT-nin Sivilizasiyalar Alyansının
ali nümayəndəsi
Nasir Əbdüləziz
Əl-Nasir İƏT-ə üzv ölkələrin
görüşünün açılış mərasimində
vurğulayıb ki, bu cür irimiqyaslı
beynəlxalq tədbirin
keçirilməsinə cavabdeh
olan xanım Birinci vitse-prezidentin rolu qadın hüquqları uğrunda mübarizənin ən vacib məsələ olduğu İslam dünyası üçün
yeni modeldir.
Azərbaycan.- 2017.-25 may.- S.6.