Diasporla İş üzrə Dövlət Komitəsinin yeni sədri kollektivə təqdim edilib

Aprelin 24-də Azərbaycan Respublikası Prezidenti Administrasiyasının rəhbəri Ramiz Mehdiyev Diasporla İş üzrə Dövlət Komitəsinin yeni sədri Fuad Muradovu kollektivə təqdim edib.

Dövlət Komitəsindən AZƏRTAC-a verilən məlumata görə, Ramiz Mehdiyev gənc və perspektivli kadr olan Fuad Muradovun Diasporla İş üzrə Dövlət Komitəsinə sədr təyin olunmasının əhəmiyyətini qeyd edib.

Prezident Administrasiyasının rəhbəri Dövlət Komitəsinin fəaliyyətində yol verilmiş nöqsanların yeni sədrin rəhbərliyi ilə aradan qaldırılacağına ümid etdiyini bildirib.

Azərbaycan.- 2018.-25 aprel.- S.3.