Rumıniya və Bolqarıstan KİV-ləri Xəzər dənizinin hüquqi statusu ilə bağlı Konvensiyanın imzalanmasından yazır

Rumıniya və Bolqarıstan KİV-ləri Xəzər dənizinin hüquqi statusu ilə bağlı Konvensiyanın imzalanmasından yazır.

AZƏRTAC xəbər verir ki, yazılarda Konvensiyanın Qazaxıstanda baş tutmuş Xəzəryanı dövlətlərin Zirvə toplantısı çərçivəsində imzalandığı bildirilir. Qeyd edilir ki, sənədi Azərbaycan, İran, Qazaxıstan, Rusiya və Türkmənistan prezidentləri imzalayıblar. Konvensiya üzərində işlər 20 ildən çoxdur davam edib və Xəzər dənizinin su səthinin əsas sahəsi tərəflərin ümumi istifadəsində qalacaq, dibi isə ikitərəfli razılaşmalar əsasında, beynəlxalq hüquqa riayət olunmaqla qonşu dövlətlər arasında bölünəcək. Vurğulanır ki, Konvensiyaya əsasən digər dövlətlərin hərbi gəmiləri Xəzər dənizinə buraxılmayacaq.

Azərbaycan.- 2018.- 16 avqust.- S.2.