Azərbaycana
nüfuz gətirən möhtəşəm
layihələr
Dövlətin dünyadakı yeri və nüfuzu təkcə
siyasi amillərlə ölçülmür.
Həm də iqtisadi sahədəki nailiyyətləri,
vətəndaşlarının sosial
rifahı hər bir ölkə üçün beynəlxalq imic
baxımından böyük əhəmiyyət
kəsb edir.
Bu
gün müstəqil və qətiyyətli
siyasi kursla beynəlxalq
aləmdə yüksək nüfuzu olan Azərbaycana həm də həyata keçirdyi enerji siyasətinə,
bölgədə reallaşdırdığı qlobal nəqliyyat layihələrinə görə
ehtiramla yanaşırlar.
Etibarlı
siyasi və iqtisadi tərəfdaş
Hələ 24 il əvəl “Əsrin müqaviləsi”
imzalananda Azərbaycan müstəqilliyinin ilk
addımlarını atırdı. Respublikamızın
hansısa beynəlxalq uğuru yox idi. Ancaq
Heydər Əliyev şəxsiyyətinin ucalığı, onun başladığı uğurlu
və müdrik siyasət dünyanın iri neft şirkətlərini
Xəzərin neft yataqlarının
işlənilməsinə cəlb etdi. Və
bu tarixi hadisə həm
respublikamızın müstəqilliyinin möhkəmlənməsində,
həm dünyada tanınmasında, həm
də inkişafı istiqamətində ilk
və uğurlu addım oldu.
24 il
dövlətin tarixi baxımından uzun zaman kəsiyi
sayılmır. Heç inkişafa
nail olmaq üçün bu dövr yetərli deyil.
Dünyanın inkişaf etmiş
ölkələrinin təcrübəsi də göstərir ki, onlar bu
səviyyəyə gəlib çatmaq üçün hansı onilliklərdən keçib gəliblər. Azərbaycan üçün isə müstəqillik
tariximizdə ilk beynəlxalq uğur olan “Əsrin
müqaviləsi”nin imzalanmasından sonra
ötən dövr olduqca
möhtəşəm nailiyyətlərlə əlamətdardır.
Bu dövrdə Azərbaycan enerji siyasətində qarşıya qoyduğu bütün hədəfləri
reallaşdırdı, ən əsası, Bakı-Tbilisi-Ceyhan
və Bakı-Tbilisi-Ərzurum neft-qaz kəmərləri
çəkildi. Bu illərdə Azərbaycan
kosmik dövlətə çevrildi,
BMT-nin Təhlükəsizlik
Şurasının üzvü kimi fəaliyyət göstərdi.
Bütün
bu hadisələr həm
respublikamızı etibarlı tərəfdaş kimi tanıtdı, həm müstəqilliyimizin
əsaslarını daha da
bərkitdi, həm də dünyadakı mövqelərini
möhkəmləndirdi. Əlbəttə, beynəlxalq miqyasda qazandığımız yüksək
etimadın kökündə dayanan əsas
səbəb
ilk növbədə, ölkəmizin səmərəli
siyasi və iqtisadi partnyor olması, dünyanı narahat
edən hər bir məsələdə qətiyyətli
və prinsipial mövqe
tutması, sülhə və əmin-amanlığa layiqli töhfələr verməsidir. Azərbaycan
Ordusunun bölmələri
ayrı-ayrı ölkələrdə sülhün
və əmin-amanlığın təmin olunmasında iştirak edir, beynəlxalq
terrorçuluqla mübarizədə öz sözünü deyir. Eyni zamanda, Azərbaycan bir sıra Avropa ölkələrinin
enerji təhlükəsizliyinin təmin
olunmasında əsas tərəfdaşlardandır. Ölkəmiz
beynəlxalq miqyaslı bütün məsələlərdə
üzərinə düşən öhdəlikləri layiqincə
yerinə yetirməklə etibarlı tərəfdaş olduğunu hər zaman nümayiş etdirmişdir. Bunun da məntiqi nəticəsi olaraq
Azərbaycanın beynəlxalq nüfuzu
sürətlə yüksəlib.
Dünyada və
Qafqazda söz sahibi
Hazırda
davamlı inkişaf dövrünü
yaşayan Azərbaycanın Cənubi
Qafqazın lider dövlətinə
çevrilməsi və bu statusu
uğurla daşıması bütün dünyanın, xüsusən bu regionu özünün
iqtisadi mənafeyi baxımından vacib tərəfdaşı kimi
görən Avropanın qəbul etdiyi
inkarolunmaz reallıqdır. Elə buna görə təsadüfi deyil
ki, Cənubi Qafqazı əhatə edən
hər hansı beynəlxalq layihənin Azərbaycanın
maraqlarını nəzərə almadan həyata
keçirilməsi mümkün deyil. Azərbaycanla hesablaşır, məsləhətləşir
və hər bir əməkdaşlıq məsələsində
əsas tərəfdaş kimi qəbul
edirlər. Son illər başa
çatan layihələr, təməli qoyulan yeni əməkdaşlıq
telləri bunu bir daha sübut edir.
Ötən ilin
sentyabrında Bakıda imzalanan yeni neft müqaviləsi Azərbaycanın
enerji diplomatiyasının növbəti böyük uğuru idi. Cəmi üç həftə
sonra Bakı-Tbilisi-Qars dəmir yolu xəttinin istifadəyə verilməsi isə
Prezident İlham
Əliyevin rəhbərliyi ilə Azərbaycanın qlobal miqyasda söz sahibinə çevrilməsinin növbəti
təsdiqi oldu. Bu hadisə
göstərdi ki, indi
Azərbaycan özünü təkcə neft və qaz hasil edən ölkə kimi
deyil, həm də Şərqi Qərblə,
Şimalı Cənubla birləşdirən nəqliyyat
qovşağı və logistika mərkəzi
kimi təqdim edir. Reallıq da ondan
ibarətdir ki, son illər
ölkəmizin nəqliyyat infrastrukturunda
həyata keçirilən yenidənqurma işləri -
Bakıda və ölkə regionlarında beynəlxalq hava limanlarının, Şərq-Qərb və
Şimal-Cənub nəqliyyat dəhlizləri istiqamətində
beynəlxalq əhəmiyyətli avtomobil
yollarının tikintisi və dəmir
yolu xətlərinin yenilənməsi bu sahənin inkişafına təkan verib, Asiya ilə
Avropanın qovuşuğunda yerləşən
Azərbaycanın nəqliyyat dəhlizi kimi
önəmini daha da
artırıb.
Bu günlərdə
Bakı Beynəlxalq Dəniz Ticarət Limanı Kompleksinin istifadəyə verilməsi Azərbaycanın
yerləşdiyi bölgədəki aparıcı rolunu bir qədər də
yüksəltdi. Bu layihənin başa çatdırılması göstərir
ki, ölkəmizdə güclü
nəqliyyat-logistika infrastrukturunun
formalaşdırılması istiqamətində qarşıya
qoyulan vəzifələr uğurla
reallaşır. Bakı Beynəlxalq Dəniz
Ticarət Limanı Kompleksi layihəsinin uğurla reallaşması ilə Azərbaycanın
tranzit imkanlarının genişlənməsi
baxımından yeni mərhələ
başlayır. Çünki bununla ölkəmiz gələcəyə
hesablanmış daha bir
möhtəşəm addım atdı. Bu
limanın işə salınması nəticəsində
Azərbaycanın tranzitdən gələn gəlirləri əhəmiyyətli
dərəcədə artacaq,
respublikamız loqistik mərkəz kimi mövqelərini daha da möhkəmləndirəcək. Ən əsası
isə gətirəcəyi bütün iqtisadi dividendlərlə yanaşı, bu liman kompleksi
Azərbaycanın regionda söz sahibi statusunu möhkəmləndirən mühüm faktordur.
Bu günlərdə
açılışı olan “Cənub qaz dəhlizi” göstərdi ki,
Azərbaycan qarşısına qoyduğu
məqsədlərə doğru inamla addımlayan, aydın və düşünülmüş strategiyası,
dəqiq siyasəti olan dövlətdir. Eyni zamanda bu
tarixi hadisə rəsmi Bakının
1994-cü ildən həyata keçirdiyi enerji siyasətinin məntiqi nəticələrindən
biri və həm də uğurlu
davamıdır.
“Cənub qaz
dəhlizi” layihəsinin uğurla
reallaşmasının əsas səbəbi təbii ki, Azərbaycan Respublikasının Prezidenti İlham Əliyevin
həyata keçirdiyi məqsədyönlü
siyasi-diplomatik fəaliyyətdir. Prezident İlham
Əliyevin düşünülmüş,
yeni dünya sisteminin müasir
çağırışlarına cavab
verən siyasi kursu Azərbaycanı
regionun lider dövlətinə
çevirməklə yanaşı, beynəlxalq aləmdə
etibarlı tərəfdaş kimi
tanıdıb. Bu gün
ölkəmiz mühüm geosiyasi
məkan kimi regionda sülhün və təhlükəsizliyin təmin
olunması üçün dayaq nöqtəsi, ən perspektivli
tərəfdaş hesab edilir.
Azərbaycanın geosiyasi çəkisi
sürətlə artır, dövlətimiz regionda
sabitləşdirici faktor kimi
çıxış edir.
Azərbaycanın başa çatdırdığı hər bir enerji və nəqliyyat
layihəsi həm də ölkəmizin böyük
siyasi-diplomatik uğurlarıdır. Bu uğur respublikamızın dünyada
və Qafqazda söz
sahibinə çevrilməsi ilə yanaşı, hər bir məsələdə qətiyyətli
mövqeyindən, əməkdaşlıq əlaqələrində
etibarlı tərəfdaş olmasından və beynəlxalq
birlikdə yüksək nüfuz sahibinə
çevrilməsindən irəli gəlir. Bütün bunlar həm də
onu göstərir ki, Prezident
İlham Əliyevin lider qətiyyəti ilə Azərbaycan tamamilə
müstəqil, ölkənin beynəlxalq mövqelərinin
möhkəmlənməsinə və inkişafına
hesablanmış siyasət yeridir. Uğurla reallaşan bu siyasətin nəticəsi olaraq
dünya birliyi Azərbaycana
böyük hörmət və rəğbətlə
yanaşır.
Rəşad
CƏFƏRLİ
Azərbaycan.- 2018.- 1 iyul.- S.1; 6.