Yeniyetmə ağır atletlərimiz Avropanın ən
güclüləri oldular
Tarixi uğura
imza atan komandamız Avropa birinciliyindən 22 medalla döndü
İdmanın hər bir növünün inkişafı
uşaq və yeniyetmələrdən başlayır.
Belə ki, ilk növbədə, bu yaş qruplarında
idmançıların yetişdirilməsi
gələcək qələbələrin
möhkəm təməli
deməkdir. Azərbaycan Ağır
Atletika Federasiyası da gələcək uğurlar üçün
diqqəti xüsusən
ağır atletikanın
uşaq və yeniyetmələr arasında
stimullaşdırmasına yönəldib.
Yeniyetmə ağır atletlərimizin
yaxın keçmişimizdə
Tailandda və Kosovoda keçirilən yarışlardan zəfərlə
qayıtmaları bu deyilənləri təsdiq
etməklə AAAF-ın
təqdirəlayiq fəaliyyətindən
xəbər verir. Bu günlərdə İtaliyanın
Milan şəhərində keçirilən Avropa birinciliyində isə yeniyetmə ağır atletlərimiz sözün
əsl mənasında,
tarix yazdılar.
Belə ki, atletlərimiz Azərbaycanın
müstəqilliyi dövründə
ağır atletikamızın
ən möhtəşəm
qələbəsinə imza
ataraq komanda hesabında Avropa birinciliyinin qalibi adına layiq
görüldülər. Ən əsası,
ağır atletlərimizin
Avropa birinciliyindəki
qələbəsi Azərbaycanın
idman ölkəsi olduğunu bir daha təsdiqləyərək
Prezident İlham Əliyevin yürütdüyü
idman siyasətinin növbəti təntənəsi
kimi idman tariximizə qızıl hərflərlə yazıldı.
15 və
17 yaşa qədər
olan yeniyetmə oğlan və qızlar arasında iyulun 22-29-u tarixlərində
keçirilən ağır
atletika üzrə Avropa birinciliyi Argentinada baş tutacaq yeniyetmələrin
3-cü Olimpiya Oyunlarına
lisenziya xarakteri daşıyırdı. Yarışa 40-a yaxın ölkədən
388 atlet (169 qız və 219 oğlan) qatılmışdı.
Azərbaycan yığma komandası Avropa birinciliyinə geniş heyətlə qatılmışdı. Ölkəmizin
şərəfini 15 yaşlı
yeniyetmələrin mübarizəsində
oğlan ağır atletlərdən Elvin Şükürzadə
(50 kq), Elşən Məmmədov, Fuad Həsənov (hər ikisi - 56 kq), Murad Əliyev, Kamil Nəbiyev (hər ikisi - 62 kq), Yaşar Mamayev (77 kq), Əli Şükürlü
(85 kq), Əli Quliyev (94 kq), qız ağır atletlərdən Günel Muxtarlı (44 kq), Selcan Qarayeva (48 kq), Fazilə İmanova (53 kq), Səma Mayılova, Anna Opanasyuk (hər ikisi - 58 kq), Fidan Mirzəzadə (63 kq) və Rahilə
Hüseynova (69 kq) qoruyurdu. 17 yaşlı
ağır atletlərin
mübarizəsində oğlanlardan
Ömər Cavadov (50 kq), Sale Alxasov (56 kq), Rüstəm Qasımov, Elməddin Hüseynov (hər ikisi - 62 kq), Füqan Əliyev (69 kq), Əlimərdan Alxasov, İsmayıl Baxışov (hər ikisi - 77 kq) və Tarmenxan Babayev (85 kq), qızlar arasında isə Lalə Rzazadə (58 kq) və Hüseynzadə Fidan (69 kq) mübarizə
apardılar.
Azərbaycan yığmasının 25 yeniyetmə
ağır atleti Milanda qüvvəsini sınadı. Komandamıza ilk medalı yarışın
əvvəlində 50 kq
çəki dərəcəsində
mübarizə aparan
Elvin Şükürzadə qazandırdı. Atletimiz
birdən qaldırma hərəkətində hər
üç yanaşmanı
uğurla yerinə yetirib və 78 kq nəticə ilə bu hərəkətdə
Avropa birinciliyinin kiçik gümüş
medalına sahib olub..
Komandanın ilk qızıl medalını
isə yaşı
17-yə qədər olan
oğlanlar arasında
50 kq çəki dərəcəsində mübarizə
aparan Ömər Cavadov qazandı. O, birdən
qaldırma hərəkətində
hər üç yanaşmanı uğurla yerinə yetirdi və 88 kq nəticə
göstərdi. Bununla, bütün
rəqiblərini üstələyərək
bu hərəkətdə
qızıl medala layiq görüldü.
Ömər eyni uğuru
təkanla qaldırma hərəkətində də
davam etdirdi. Atletimiz bu dəfə 102 kq-nı ram edərək
bu hərəkətdə
Avropanın gümüş
medalçısı oldu.
Toplam 190
kq (88+102) nəticə
göstərən Ömər
Cavadov Avropa birinciliyinin qalibi adını qazandı.
Öz çəkisində rəqib
tanımayan atletimiz möhtəşəm uğura
imza atdı.
Yarışın ikinci günü də komandamız üçün uğurlu
oldu. Həmin gün yaşı
15-ə qədər olan
oğlanların mübarizəsində
56 kq çəkidə
Fuad Həsənov hər iki hərəkətin
cəminə görə
gümüş medallara
sahib çıxdı. 56 kq çəkidə gücünü sınayan
digər idmançımız
Elşən Məmmədov
isə 212 kq (98+114) nəticə ilə Avropa birinciliyinin yekun sıralamasında fəxri kürsünün
ən yüksək pilləsinə qalxdı. Beləliklə, bu çəki
dərəcəsində iki
atletimiz 3 qızıl
və 3 gümüş
medal qazandı.
Həmin gün yığmamızın
üzvlərindən Murad
Əliyev 62 kq çəki dərəcəsində
körpücük üzərinə
çıxdı. İdmançımız uğurlu çıxış
edərək hər iki hərəkətdə
(toplam 218 kq) qızıl medalları qazandı.
Yarışın ikinci günü son medalı yaşı 17-yə
qədər olan oğlanların mübarizəsində
62 kq çəki dərəcəsində Rüstəm
Qasımov qazandı. Yeniyetmələr
arasında 2016-cı il Avropa birinciliyinin bürünc,
2017-ci ildə isə qızıl medalçısı
olan Rüstəm Qasımov birdən qaldırma hərəkətində
hər üç yanaşmasını uğurlu
yerinə yetirərək
kiçik gümüş
medala sahib çıxdı.
Yarışın üçüncü günündə
də komandamız hesabına medal yazdırdı. 2016-cı ildə
Polşanın Novı
Tomısl şəhərində
keçirilən yeniyetmələrin
Avropa birinciliyinin qalibi olan Füqan
Əliyev yaşı
17-yə qədər olan
oğlanların mübarizəsində
69 kq çəki dərəcəsində təkanla
qaldırma hərəkətində
151 kq-nı ram edərək bürünc
medal qazandı. Həmin
gün 15 yaşlı
qızlarımız Anna Opanasyuk,
Fidan Mirzəzadə və Səma Mayılova da beynəlxalq yarışda
ilk dəfə iştirak
etmələrinə baxmayaraq
əzmlə mübarizə
apardılar və medala bərabər nəticə göstərdilər.
Ağır atletlərimiz qələbə
seriyasını yarışın
növbəti günlərində
də davam etdirdilər. Yaşı 15-ə qədər oğlanların mübarizəsində
94 kq çəki dərəcəsində çıxış
edən Əli Şükürlü birdən
qaldırma və təkanla qaldırma hərəkətlərini uğurla
yerinə yetirməklə
komandamıza növbəti
bürünc medalları
qazandırdı.
Komandamızın son medallarını
isə ötən il Kosovonun
paytaxtı Priştinada
6 Avropa rekordunu yeniləyərək çempion
olan Tarmenxan Babayev qazandı. O, bu dəfə də uğurunu təkrarladı. Atletimiz birdən qaldırma
hərəkətində 145 kq nəticə göstərərək bu
hərəkətdə gümüş
medala sahib çıxdı.
Toplam 325 kq (145+180) nəticə ilə Tarmenxan 94 kq çəki dərəcəsində
yekun sıralamada hamıdan üstün oldu və fəxri
kürsünün ən
yüksək pilləsinə
qalxaraq Avropa birinciliyinin ikiqat qalibi adını qazandı.
Yeniyetmələrdən ibarət yığma komandamız Avropa birinciliyində birdən və təkanla qaldırma hərəkətləri,
həmçinin toplamdakı
medallar nəzərə
alınmaqla ümumilikdə
22 medal qazandı. Bu göstərici
ilə Azərbaycan 25
medal qazanan Türkiyə
yığmasından sonra
2-ci oldu.
Bu tarixi nailiyyət Azərbaycanda idmanın ağır atletika növünün sürətli inkişaf yolunda olduğunu bir daha nümayiş
etdirdi. Digər tərəfdən, Milandakı qələbə
məhz azərbaycanlı
idmançıların, onları
yarışlara hazırlayan
yerli məşqçilər
korpusunun zəhməti,
Cahangir Əsgərov başda olmaqla Azərbaycan Ağır Atletika Federasiysının
rəhbərliyinin gərgin
əməyi hesabına
qazanıldı. Çünki maksimum şərait yaradıldığından, qidalanma
və məşq prosesi düzgün aparıldığından qələbə
də qaçılmazdır.
Əminik ki, Milanda tarix yazan yeniyetmə
ağır atletlərimiz
gələcək Olimpiya
Oyunlarında daha möhtəşəm uğurlara
imza atacaqlar.
Rəşad CƏFƏRLİ
Azərbaycan. - 2018.- 31 iyul.- S.4.