“Azərbaycan” qəzetinin dövlət müstəqilliyimizin möhkəmləndirilməsindəmüstəsna rolu var

"Azərbaycan” qəzetinin baş redaktoru,

Milli Məclisin deputatı

cənab Bəxtiyar Sadıqova

Hörmətli Bəxtiyar müəllim!

"Azərbaycan Meliorasiya və Su Təsərrüfatı” ASC-nin çoxminli kollektivi adından Sizi və kollektivinizi "Azərbaycan” qəzetinin 100 illik yubileyi münasibətilə təbrik edirəm.

Əsası 1918-ci ildə qoyulmuş "Azərbaycan” qəzeti ötən 100 ildə çox böyük tarixi inkişaf yolu keçmiş, xalqımıza istiqlal mübarizəsində mühüm xidmətlər göstərmiş və müstəqilliyimizin möhkəmləndirilməsi prosesinin fəal iştirakçısı olmuşdur.

Böyük dövlət xadimi, xalqımızın ümummilli lideri Heydər Əliyevin dövlətçilik irsini ölkə mediasının inkişafı sahəsində də davam etdirən Azərbaycan Respublikasının Prezidenti İlham Əliyev cənablarının yürütdüyü siyasətə uyğun olaraq digər kütləvi informasiya vasitələrimiz kimi, "Azərbaycan” qəzeti də dövlətimizin diqqət və qayğısı ilə əhatə olunub.

Rəhbərlik etdiyiniz "Azərbaycan” qəzetinin dövlət müstəqilliyimizin möhkəmləndirilməsi, demokratik cəmiyyət qurulması, xalqımızın çoxillik arzu və istəklərinin ifadəsinə çevrilməsi, təbliğat-təşviqat işinin qurulması, görülən işlərin və qarşıda duran vəzifələrin ölkə vətəndaşlarına düzgün çatdırılması, ictimai-siyasi ideyalarının formalaşması, azadlıq və suverenlik ideyalarının həyata keçirilməsində və başqa sahələrdə üzərinə düşən bütün vəzifələrin layiqincə yerinə yetirilməsində müstəsna rolu vardır.

İnanırıq ki, bundan sonra da ölkəmizin mütərəqqi mətbuat ənənələrini ləyaqətlə davam etdirən "Azərbaycan” qəzeti ölkəmizdə hüquqi dövlət və vətəndaş cəmiyyətinin qurulması, iqtisadi islahatların həyata keçirilməsi, iqtisadiyyatımızın mütəmadi inkişafının, vətəndaş həmrəyliyi və milli birliyin yaradılması, gənclərin maarifləndirilməsi və digər sahədə aparılan məqsədyönlü işlərin işıqlandırılması yolunda öz töhfələrini verəcəkdir.

"Azərbaycan Meliorasiya və Su Təsərrüfatı” ASC Sizinlə əməkdaşlığı yüksək qiymətləndirir və ölkə iqtisadiyyatının inkişafında mühüm əhəmiyyəti olan meliorasiya və su təsərrüfatı işlərinin mətbuatda işıqlandırılmasına görə təşəkkürümüzü bildiririk.

Hörmətli Bəxtiyar müəllim!

Sizi bir daha "Azərbaycan” qəzetinin 100 illik yubileyi münasibətilə təbrik edir, Sizə və bütün kollektivinizə möhkəm cansağlığı, uzun ömür, xoş əhvali-ruhiyyə, respublikamızın sosial-iqtisadi inkişafı naminə məsul və şərəfli fəaliyyətinizdə yeni-yeni uğurlar arzulayıram.

Əhməd ƏHMƏDZADƏ,

"Azərbaycan Meliorasiya və Su Təsərrüfatı” ASC-nin sədri

Azərbaycan.-2018.- 15 sentyabr.- S.9.