Bir sıra ölkələrin parlament rəhbərləri Azərbaycana səfərə gəliblər

Sentyabrın 20-də bir sıra ölkələrin parlament rəhbərləri – Türkiyə Böyük Millət Məclisinin sədri Binəli Yıldırım, Bəhreyn Şurasının sədri Əhməd bin İbrahim Əl-Mulla, Sudan Milli Assambleyasının sədri İbrahim Əhməd Ömər, Belarus Nümayəndələr Palatasının sədri Vladimir Andreyçenko və ATƏT Parlament Assambleyasının sədri George Tsereteli Azərbaycana səfərə gəliblər.

AZƏRTAC xəbər verir ki, səfərin məqsədi Azərbaycan parlamentinin 100 illiyi münasibətilə keçiriləcək təntənəli iclasda iştirak etməkdir.

Azərbaycanın və adları qeyd olunan ölkələrin dövlət bayraqlarının dalğalandığı Heydər Əliyev Beynəlxalq Aeroportunda parlament rəhbərlərini Milli Məclis sədrinin müavinləri Valeh Ələsgərov, Bahar Muradova və digər rəsmi şəxslər qarşılayıblar

Azərbaycan.- 2018.- 21 sentyabr.- S.2.