Mədəni irsimizin dünyada təbliği

Ötən illər ərzində mədəni irsimizin dünyada təbliği istiqamətində mühüm addımlar atılıb.

Xalça ustası Lətif Kərimovun (2006), Üzeyir Hacıbəylinin "Leyli və Məcnun” operasının (2008), "Arşın mal alan” operettasının (2013), görkəmli yazıçı Mir Cəlal Paşayevin (2008), xalq rəssamı Səttar Bəhlulzadənin (2009), xalq yazıçısı İlyas Əfəndiyevin (2014) 100 illik yubileyləri, böyük mütəfəkkir Seyid Yəhya Bakuvinin vəfatının 550, şairə Məhsəti Gəncəvinin yaradıcılığının 900 (2013), "Kitabi-Dədə Qorqud” dastanının alman dilinə tərcüməsi və nəşrinin 200 illiyi (2015) UNESCO səviyyəsində qeyd edilmişdir. Görkəmli şair Molla Pənah Vaqifin 300 illiyi UNESCO-nun 2016-2017-ci illər üzrə yubileylər proqramında yer almışdır. 2018-ci ildə UNESCO-nun yubileylər proqramına dahi bəstəkar Qara Qarayevin 100 illiyi daxil edilmişdir. Ötən ilin oktyabrında isə böyük musiqiçinin Bakı şəhərində ev-muzeyinin açılışı olmuşdur.

Azərbaycan.- 2019.-1 fevral.- S.10.