Polşa mətbuatı “Formula-1”Azərbaycan Qran-prisindən yazıb

Polşada "Formula-1” idman növü üzrə ixtisaslaşmış ən böyük dziel-pasje.pl portalında Azərbaycan Qran-prisi haqqında məqalə dərc olunub.

AZƏRTAC xəbər verir ki, məqalədə "Formula-1” Qrupunun baş icraçı direktoru Çeyz Kerinin Azərbaycana səfəri çərçivəsində Azərbaycan Qran-prisinin 2023-cü ilədək keçirilməsi haqqında müqavilənin imzalandığı diqqətə çatdırılıb.

Məqalədə bildirilir ki, 2016-cı ildən etibarən Bakıda təşkil olunan "Formula-1” yarışları dərhal mövsümün ən maraqlıları sırasında yer alıb. Bakıda keçirilən Qran-pri nəticələrinin gözlənilməzliyi ilə avtoidman həvəskarları tərəfindən çox bəyənilib. Azərbaycan "Formula-1” yarışlarını yüksək səviyyədə təşkil edib. Bakı isə öz gözəlliyi ilə bu yarışlara əlavə rəng qatır.

Azərbaycan.- 2019.- 8 fevral.- S.8.