Çillə şərqisi

Qabağı yazdır çillənin,

Ömrü azdır çillənin.

Yer bürünür ağ qara,

Təslim olur bahara.

Ağ bayraqlı Qış gedir,

Al bayraqlı Yaz gəlir!

Nağılçılar xoş gedir,

Ozan, aşıq, saz gəlir!

Böyük çillə cıxmamış,

Kiçik çillə gəlməmiş;

Boz Ay çapır atını,

Bilir qışın zatını.

Bənövşə açıb gəlib,

Yatağı torpaq olur;

Çiçəyi yarpaq olur!

Xan çobanın arzusu,

Gəlir qumral quzusu!

Yağış ruzu gətirir,

Novruz gəlib yetirir!

Qüvvət dolur qollara,

Ellər çıxır yollara;

Durnaları gözləyir!

Bülbül gülü izləyir,

Şaxta, boran sovuşur!

Yer düzəldib qəddini,

Gözəl Yaza qovuşur!

Əhməd CAVAD

Azərbaycan.- 2019.- 9 fevral.- S.7.