Azərbaycan-Qana münasibətlərinin inkişaf etdirilməsi istiqamətində fikir mübadiləsi aparılıb

Beşinci Ümumdünya Mədəniyyətlərarası Dialoq Forumu çərçivəsində Azərbaycanın xarici işlər naziri Elmar Məmmədyarov Qananın xarici işlər və regional inteqrasiya naziri xanım Şirley Ayorkor Boçvey ilə görüşüb.

Xarici İşlər Nazirliyinin mətbuat xidmətindən AZƏRTAC-a verilən məlumata görə, ölkəmizdə yenidən olmasından məmnunluğunu bildirən qanalı nazir forumun yüksək səviyyədə təşkilini xüsusilə qeyd edib.

Nazirlər iki ölkə arasında münasibətlərin inkişaf etdirilməsi istiqamətində fikir mübadiləsi aparıblar. İnsanlararası təmasların daha da artırılması məqsədilə qanalı tələbələrin Azərbaycanda təhsil imkanları müzakirə olunub.

Görüşdə Azərbaycanın Afrika İttifaqı ilə əməkdaşlığı məsələləri də nəzərdən keçirilib, qarşılıqlı maraq doğuran digər mövzular müzakirə edilib.

Azərbaycan.- 2019.-3 may.- S.9.