Tələbə-pianoçunun uğuru

Üzeyir Hacıbəyli adına Bakı Musiqi Akademiyasının ikinci kurs tələbəsi, Prezident təqaüdçüsü, Almaniyada, İngiltərədə, Estoniyada, Belçikada və Danimarkada keçirilən ifaçılıq yarışlarının laureatı Leyla Zeynalova Riqada gənc pianoçuların VIII beynəlxalq müsabiqəsində uğurla çıxış edərək birinci yerə layiq görülüb.

Redaksiyamıza daxil olan məlumatda bildirilir ki, professor Kəmalə Neymanovanın sinfində təhsil alan tələbə-pianoçu İohann Baxın musiqilərinin, latviyalı bəstəkar M.Drustenin "Folk İmpression” əsərinin ən yaxşı ifaçısı kimi Almaniyanın Aynbek şəhərində keçiriləcək Qış Akademiyasına dəvət alıb, habelə münsiflər heyəti tərəfindən xüsusi mükafatla təltif edilib.

Azərbaycan.- 2019.- 17 noyabr.- S. 6.