Alvin Botes: “Azərbaycanın Qoşulmama Hərəkatına sədrliyi onun beynəlxalq arenada növbəti uğurudur”

Azərbaycanın növbəti üç ildə sədrlik edəcəyi Qoşulmama Hərəkatı kimi nüfuzlu təşkilatın Bakıda keçirilən XVIII Zirvə Görüşündə iştirak etməkdən çox məmnunuq. Azərbaycan bu çoxtərəfli beynəlxalq təşkilata növbəti üç ildə sədrlik edəcək. Bu da ölkənizin beynəlxalq arenada daha bir uğurudur. Cənubi Afrika Respublikası Azərbaycanın Hərəkata sədrliyi dövründə çoxtərəfli əməkdaşlığın, üzv dövlətlərin suverenliyi və ərazi bütövlüyünün təmin olunması kimi məsələlərdə ölkənizə fəal dəstək verəcək.

Bu barədə AZƏRTAC-a müsahibəsində Bakıda keçirilən Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə iştirak edən Cənubi Afrika Respublikasının Beynəlxalq Münasibətlər və Əməkdaşlıq nazirinin müavini Alvin Botes deyib.

"Azərbaycan Qoşulmama Hərəkatının Zirvə Görüşünü çox yüksək səviyyədə təşkil edib. İnanırıq ki, ölkəniz növbəti üç il ərzində təşkilatın sədrliyi çərçivəsində üzərinə düşən missiyanı uğurla həyata keçirəcək”, – deyə nazir müavini vurğulayıb.

Azərbaycan.- 2019.- 27 oktyabr.- S.5.