Nəsimi festivalı çərçivəsində KameraOrqan Musiqisi Zalında konsert proqramı təşkil edilib

 

İkinci Nəsimi - şeir, incəsənət və mənəviyyat Festivalı çərçivəsində sentyabrın 28-də Azərbaycan Dövlət Akademik Filarmoniyasının KameraOrqan Musiqisi Zalında konsert proqramı təşkil edilib.

AZƏRTAC xəbər verir ki, konsertdə Estoniyanın Tallinn Oğlanları Xoru və Almaniyanın Horizonte Ansamblı çıxış ediblər.

Konsertin tamaşaçıları sırasında Heydər Əliyev Fondunun vitse-prezidenti Leyla Əliyeva da olub.

Konsertdə məşhur bəstəkarlar Kirillus Kreekin, Georg Fridrix Handelin, Volfqanq Amadey Motsartın, Vladimir Vavilovun və digərlərinin əsərləri səsləndirilib.

Klassik musiqi gecəsi tamaşaçılarda böyük maraq doğurub.

 

Azərbaycan.- 2019.- 29 sentyabr.-  S. 3.