4. Əsl azərbaycanlı mənəviyyatı
İnsan insanı dar gündə sınayar - əbəs deməyib atalar!
Tanrı dünyanı, o cümlədən müstəqil Azərbaycanı çox çətin və ağır sınağa çəkib!
COVID-19 - koronavirus sınağına!
Çətin, təhlükəli günlər yaşayırıq!
Hələ bu çətinliyin nə qədər çəkəcəyini, təhlükənin haçan sovuşacağını dəqiq bilən yoxdur!
Ehtimal və proqnozlar isə çox söylənilir!
Amma ötən dar günlərin müəyyən nəticələrinə nəzər salmaq, baş verənləri isti-isti qiymətləndirib ilkin ümumiləşdirmə aparmaq da mümkündür!
Ortada kifayət qədər gərginlik, vaxtında atılan addımlar, düzgün qərarlar, eyni zamanda, bəs qədər məsuliyyətsizlik, vətəndaş intizamsızlığı müşahidə edildiyi vaxtda müsbəti və yaxşıları görüb qiymətləndirmək də vacib və gərəklidir!
Xüsusən də xalqın mənəviyyatı, milli-mənəvi dəyərləri ilə bağlı olan məqamları.
***
Qürur və razılıq doğuran ən yaxşı hal dövlətimizin ekstremal vəziyyətə hazır olması, dövlət başçısı cənab İlham Əliyevin dar macalda ən düzgün qərarlar qəbul edib, dövləti və xalqı dərhal səfərbərliyə alması oldu!
Bu, yalnız Prezident İlham Əliyevin uzaqgörənliyi, baş verənləri dərhal qiymətləndirmək məharəti və bir rəhbər kimi xarizması ilə bağlı deyil!
Həm də onun xalqına olan sonsuz məhəbbəti, Azərbaycan vətəndaşına sevgisi və ən əsası, humanizmi, insanları real təhlükədən qurtarmaq, bəlanı daha tez və az itki ilə sovuşdurmaq üçün göstərdiyi can yanğısından da qaynaqlanır!
Biz Prezidentimizdə bu mənəvi keyfiyyətlərin - dərhal təhlükə yerinə şəxsən baş çəkməsini, hadisələrlə yerində tanış olub insanları, mütəxəssisləri dinləyərək bundan sonra ən zəruri, düzgün qərarlar verməsini dəfələrlə görmüşük.
Bir neçə faktı birlikdə xatırlayaq:
* Lənkəranda yaşayış binası uçanda;
* Zaqatalada yeraltı təkanlar dağıntılar törədəndə;
* Kür daşqınları ətraf kəndləri basıb evləri uçuranda;
* Zəlzələ Şamaxı və İsmayıllı rayonlarında çoxsaylı evləri dağıdıb ziyan vuranda;
* Aprel müharibəsi zamanı cəbhəyanı kəndlərin əhalisində müəyyən təlaş və qorxu yarananda və s.
Dövlət başçısı dəfələrlə hadisə yerlərinə baş çəkdi, çoxsaylı sərəncamlar verdi, tapşırıqların icrasına şəxsən nəzarət etdi, vəziyyət qaydaya düşənə qədər məsələni diqqətində saxladı!
Deyirlər hər cür müqayisə qüsurlu olur!
Amma müqayisəsiz ötüşmək də çətindir!
Xüsusən ona görə ki, həqiqət müqayisə zamanı daha aydın və qabarıq görünür!
Müstəqillik ərəfəsində və dövlət müstəqilliyinin ilk illərində Azərbaycana başçılıq edənlər - Ə.Vəzirov, A.Mütəllibov və Ə.Elçibəy gərgin an yaşanan kimi təyyarəyə minib aradan çıxdılar!
Dövlətin və xalqın sonrakı taleyini unudaraq canlarının hayına qaldılar!
Bu xoşagəlməz ənənəyə son qoyan Ulu Öndər Heydər Əliyev oldu!
4 oktyabr 1994-cü il və 13-18 mart 1995-ci il dövlət çevrilişinə cəhd zamanı öz postunda sonadək oturdu, xalqa müraciət edərək onu səfərbərliyə aldı, xain niyyətlərin qarşısına sədd çəkdi!
Cənab İlham Əliyev də bu ənənəni yaşadır və uğurla davam etdirir!
Çünki bu, həm də əsl azərbaycanlı mənəviyyatı, əsl dövlət rəhbərinə xas keyfiyyətdir!
Prezident İlham Əliyev koronavirus sınağı dövründə xalqımıza məxsus bir sıra mənəvi keyfiyyətlərin üzə çıxmasının, özünü yenidən nümayiş etdirməsinin də təşəbbüsçüsü oldu!
Bu barədə bir qədər sonra...
***
Adətən ordu öz sərkərdəsinə
baxıb düzlənir!
İlham Əliyevin
məsələyə ciddi
reaksiya verməsi, insanların sağlamlığının
qorunmasına həssaslıqla,
can yanğısı ilə
yanaşması xalqını
və millətini sevən hər bir azərbaycanlıya da sirayət etdi.
Bu ali
nümunədən dərhal
çoxsaylı nümunələr
yarandı!
Azərbaycan xalqı
bir anda sınanmış oğlunun
səsinə səs verdi!
Onun atdığı
hər bir addım minlərlə əks-səda doğurdu!
Qısa vaxtda gördüyü işlər
analoji mübarizə aparanlar üçün nümunəyə çevrildi:
* Ümumdünya
Səhiyyə Təşkilatı
ilə sıx əlaqə yaradıldı,
dövlət başçısının
sərəncamı ilə
quruma kömək məqsədilə 5 mln. dollar yardım edildi;
* Nazirlər Kabineti yanında Operativ Qərargah yaradılaraq onun qarşısına məsul
vəzifələr qoyuldu;
* Sərhədlər
bağlandı, karantin
məntəqələri təşkil
olundu, təyyarə uçuşları dayandırıldı;
* Ölkə xaricində qalan azərbaycanlıların gətirilməsi
üçün çarter
reysləri açıldı;
* Xəstələrə
qulluq edən həkimlərin və digər tibb personalının əməkhaqları
3-5 qat artırıldı;
* Koronavirusla mübarizə fondu yaradıldı, ilk olaraq cənab İlham Əliyev ora birillik əməkhaqqını
keçirdi;
* Bu xeyirxah missiyanı Birinci vitse-prezident Mehriban xanım Əliyeva da davam etdirdi;
* Öz rəhbərindən nümunə
götürən xalq
mənəvi dəyərlərin
yaşadılması yolunun
davamçısına çevrildi...
***
Artıq dünyada
koronavirusla insanlar arasında şiddətli müharibə gedir!
Bu müharibədə,
sözün həqiqi
mənasında, ölənlər
də var!
Müharibənin ön cəbhəsində vuruşanlar
isə tibb işçiləridir!
Həkimlər, tibb bacıları, texniki heyət və digərləri...
Dincəlmək, yorulmaq,
hətta bəzən yatmaq nə olduğunu bilmədən xəstələrin sağaldılması
üçün gecə-gündüz
çalışırlar...
Çünki onlar bilirlər ki, bir xəstəni sağaltmaqla həm də onlarla insanı yoluxmadan qoruyurlar...
Bu gün müşahidə olunan həkim fədakarlığı
Azərbaycan tibb işçisinə də
xas olan ən bariz keyfiyyətlərdəndir!
Dövlət başçısı "Yeni
klinika”nın açılışında
bunu xüsusi vurğuladı.
***
"Koronavirus
müharibəsi”nin ikinci
səngərində Azərbaycan
polisi dayanır!
Prezidentin ilk çağırışından
öz postunda, küçə və yollarda ayaq üstədir!
Təkcə asayişin
keşiyini çəkmir!
Həm də ona tapşırılan yeni vəzifələrin -
xüsusi karantin rejiminin tələblərini
yerinə yetirməklə
məşğuldur!
Həkimlərdən fərqli
olaraq, onların heç də hamısının konkret iş yeri belə
bilinmir!
Bilinən odur ki, Azərbaycan polisi tutduğu vəzifədən asılı
olmayaraq daha kabinetlərdə oturmur!
İş saatı
ilə hesablaşmayaraq
daim ayaqdadır:
* Özünü
virusdan qorumayanı - başa salır!
* Məsuliyyəti
unudanları - məsuliyyətli
davranmağa çağırır!
* Köməyə
ehtiyac duyanlara - əl uzadır, dayaq olur!
* Qanunu və sosial izolyasiya tələblərini
pozanları qanuna dəvət edir!
Bir sözlə, bu günlərdə Azərbaycan polisi öz mənəviyyatı
ilə yüksəkdə
dayandığını sübut
edir!
***
Tale azərbaycanlıları
da müxtəlif səbəblər üzündən
dünyanın müxtəlif
ölkələrinə "səpələyib”.
Müxtəlif sahələrdə
çalışan bu
insanlardan diaspor hərəkatında iştirak
edəni də var, etməyəni də!
Onlardan razı
qaldıqlarımız da
var, qalmadıqlarımız
da!
"Koronavirus
müharibəsi” sanki
dünya azərbaycanlıları
üçün də
bir məhək daşına çevrildi!
Bu dar günlərdə Azərbaycan
mənəviyyatı özünü
parlaq şəkildə
büruzə verdi!
Dünyanın bir çox ölkələrində
yaşayan azərbaycanlılar
sosial şəbəkələrə
çıxaraq vətənə
dönməkdə çətinlik
çəkən, aeroportlarda
qalan həmvətənlilərinə
öz köməklərini
təklif etdilər!
Boş evlərində
qalmağa çağırdılar,
yaşadıqları evlərdə
özləri ilə birgə yerləşdirə,
tikələrini yarı
bölə biləcəklərini
söylədilər!
Bir sözlə, bacardıqlarını edəcəklərini
bildirməklə ünvanlarını,
telefon nömrələrini
qoydular!
Azərbaycan Prezidentinin
təşəbbüsü ilə respublikamızda yaradılan koronavirusla mübarizə fonduna vəsait köçürənlər
də çox oldu!
Azərbaycanlı mənəviyyatı çətin
gündə köməksiz
qalana kömək etmək prinsipini qoruduğunu bir daha əyani şəkildə nümayiş
etdirdi.
***
Azərbaycan sahibkarları
da sınaqdan üzüağ çıxdılar!
Söhbət onların
fonda köçürdükləri
vəsaitdən getmir!
Əlbəttə, sahibkarlarımız
burada da fərqləndilər!
Prezidentimiz başqa
ölkələrdə müxtəlif
səbəblərdən ləngiyib
qalan, habelə təhsil alan
tələbələrin və
başqalarının qayğısına
qaldı, çarter reysləri təşkil etdirərək Vətənə
qayıtmalarına kömək
göstərdi!
Belələri nə az, nə
çox - on min nəfərdən
artıq idi.
Təhlükəsizlik tədbirləri
xaricdən gələnlərin
karantin dövründə
izolyasiyaya alınmasını
tələb edirdi!
Xəstəxanalarda isə
o qədər yerimiz yox idi!
Həm də xəstəxana yoluxmuşları müalicə
edəcəkdi.
Bu məqamda sahibkarlarımız qəlb
genişliyi göstərdilər:
hotellərin, istirahət
məkanlarının qapılarını
geniş açdılar,
gələnlərə yer
və yemək verdilər!
Belə bir qonaqpərvərlik də Azərbaycan xalqının
mənəvi dəyərlərindəndir!
***
Bu yerdə Azərbaycan əməkçisini
də unutmayaq!
Kənd təsərrüfatında
işlər ara
vermir, bol məhsulun bünövrəsi
qoyulur!
Elə sahələr
var ki, orada
fasiləyə yol vermək, vaxt itirmək olmaz!
Axı işlər
yavaşıya bilər,
amma iflic vəziyyətinə düşməli
deyil!
Xüsusən kənd təsərrüfatı,
neftçıxarma sənayesi
və digərləri.
Dəniz neftçiləri
adətən on beş günlük növbəyə gedir!
Karantin dövründə Neft Daşlarına yeni növbənin göndərilməsi
riskli sayılır. Çünki yoluxma 14-21 gün gizli şəkildə qala bilir.
Təcrübəli neftçilər,
nadir mütəxəssislər az olduğundan
onları qorumaq da vacibdir!
Beləliklə, dəniz
neftçiləri böyük
fədakarlıq göstərdilər:
onlar növbəni dəyişmədən fasiləsiz
işləyəcəkləri barədə qərar qəbul etdilər!
***
Cənab İlham
Əliyev 2020-ci ili "Könüllülər
ili” elan edib.
Bu qərar
könüllülər hərəkatına
yeni vüsət verib.
Eyni zamanda könüllülər
üçün təzə
fəaliyyət sahəsi
də açılıb. Dövlət
xüsusi risk qrupuna daxil olan ahıl
şəxsləri qorumaq,
eyni zamanda, qayğıdan kənarda saxlamamaq üçün könüllülərə çağırışla
müraciət etdi!
Azərbaycan gəncləri dövlətin
səsinə səs verərək tənha insanlara yardım göstərmək üçün
fəaliyyətə başladılar.
Belə bir addım Azərbaycan gəncinin zəngin mənəviyyatından
da xəbər verir.
***
Prezident İlham Əliyev və Birinci vitse-prezident Mehriban xanım Əliyeva "Yeni klinika”nın açılışını etdilər.
Vaxtında tikilən, ən müasir cihaz və avadanlıqlar, laboratoriyalarla təchiz edilən yeni tibb müəssisəsi dövlət başçısının
qərarı ilə ilkin olaraq koronavirus
xəstələrinin müalicəsinə
yönəldildi.
Bu, xəstəliyə
qarşı mübarizədə
effektli addım sayılır.
Açılış mərasimində
cənab İlham Əliyev indiki dövrə uyğun 3 çağırış da
səsləndirdi: "Biz birlikdə
güclüyük!”, "Azərbaycan
həkimlərinə eşq
olsun!”, "Evdə qal, Azərbaycan!”
Hazırkı məqamda həyati əhəmiyyət kəsb
edən bu çağırışlar həm
də dövlətin xalqa qayğısından və Azərbaycan xalqının zəngin mənəvi dəyərlərindən
də xəbər verir.
Bəxtiyar SADIQOV
Azərbaycan.- 2020.- 11 aprel.- S.1; 4.