“Molla Nəsrəddin”in ən fəal yazarı

Əbdürrəhim bəy Haqverdiyev - 150

Dövrün əksər ziyalılarını öz ətrafında birləşdirən "Molla Nəsrəddin”in yazarlarından biri də Əbdürrəhim bəy Haqverdiyev olmuşdur. Mollanəsrəddinçi mühərrirlərin çoxundan fərqli olaraq, Ə.Haqverdiyev jurnalda çap olunanda artıq tanınmış yazıçı-dramaturq idi.

"Molla Nəsrəddin” jurnalı isə ədibin daxilində gizlənmiş, yatıb qalan yeni cəhətini, onun kəskin gülüş qabiliyyətini, satirik-yumoristik istedadını üzə çıxardı.

Onun "Ceyranəli”, "Xortdan”, "Həkimi-nuni-səqir”, "Lağlağı”, "Mozalan”, "Süpürgəsaqqal” və s. imzalarla "Molla Nəsrəddin” jurnalında bir sıra hekayələri, felyetonları dərc edilmişdir.

Ədib 1907-ci ilin yanvar ayından başlayaraq burada Azərbaycan nəsrinin klassik nümunələrindən olan "Cəhənnəm məktubları”nı çap etdirmişdir. "Molla Nəsrəddin” jurnalında çap olunan "Cəhənnəm məktubları” (1907), "Bomba” (1908), "Mozalan bəyin səyahətnaməsi” (1908) və "Marallarım” adı altında gedən hekayələrdə ədib dövrün bir sıra mühüm məsələlərinin bədii həllini vermişdir.

Azərbaycan.- 2020.- 20 avqust.- S.7.