Dəyişən dünyada milli-mənəvi
dəyərlər
Azərbaycan İlahiyyat İnstitutunun (Aİİ) Qəbələ rayonunda təşkil etdiyi "Din, mədəniyyət və cəmiyyət-2” mövzusunda "Qış məktəbi”ndə tələbələr üçün seminarlar təşkil edilir.
Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fondunun icraçı direktoru Mehman İsmayılov "Qış məktəbi”ndə "Dəyişən dünyada milli-mənəvi dəyərlər” mövzusunda çıxış edərək bildirib ki, xalqımızın mənəvi dünyasını zənginləşdirən, tariximizi və mədəniyyətimizi ucaldan milli dəyərlərimiz Azərbaycanın yüksək əxlaqi xüsusiyyətlərinin təcəssümüdür. M.İsmayılov qeyd edib ki, dünya xalqları arasında öz qədim milli-mənəvi dəyərləri ilə tanınan Azərbaycan xalqı yaşatdığı və təbliğ etdiyi bəşəri ideyaları, adət-ənənələri, milli xüsusiyyətləri ilə dünya mədəni irsində özünəməxsus yer tutur. O, Azərbaycan xalqının minillər boyu adət-ənənələrinə sadiq qaldığını, bu dəyərlərin uzun illər əvvəl formalaşdığını vurğulayıb. İcraçı direktor nəzərə çatdırıb ki, dəyərlərimizi qorumaq milli kimliyimizi hifz etmək, onların təbliği mədəniyyətimizin təbliği deməkdir.
Bakı Beynəlxalq Multikulturalizm Mərkəzinin (BBMM) Analitika şöbəsinin müdiri
Rəşad İlyasov "Azərbaycanın
multikulturalizm modeli” mövzusunda çıxış edib. R.İlyasov qeyd edib ki,
multkulturalizm XX əsrin 60-70-ci illərində
əvvəlcə Kanadada, sonra
isə Avropanın bir sıra çoxmədəniyyətli
ölkələrində meydana gələrək,
spesifik multikulturalizm
modellərinin ortaya çıxmasına səbəb
olub. Dünya multikulturalizm modellərinin, əsasən miqrasiya və immiqrantlar
sayəsində formalaşdığını qeyd
edən məruzəçi 12-ci yüz
ildən etibarən başlayan prosesin indi də davam etdiyini
vurğulayıb. Bildirib ki,
Kanada, Avstraliya,
ABŞ, Fransa, İngiltərə, Almaniya, İsveçrə və digər
ölkələrdə bu tendensiya
özünü daha bariz şəkildə büruzə verir. Qeyd olunan modellərə paralel olaraq Azərbaycanın multikulturalizm
modelinin tarixi daha qədimdir. Bu model özündə həm
"avtaxton”, həm də "allaxton” etnoslarını ehtiva edir.
R.İlyasov nəzərə çatdırıb
ki, Azərbaycanda 35-dən
çox etnik qrup mövcuddur. Təsadüfi deyildir ki, bu
baxımdan Azərbaycan
həm də "etnoqrafiya muzeyi” adlandırılır. Multikulturalizm elmi ədəbiyyatında
"multikultural vətəndaşlıq”
və "konstitusional
vətəndaşlıq” terminləri
mövcuddur. Bu, birbaşa multikulturalizmin Azərbaycanda həyat tərzi və dövlət siyasəti olması kontekstində də açıqlana bilər. Azərbaycan multikulturalizminin ədəbi-bədii
və fəlsəfi-publisistik
qaynaqları elmi şəkildə sübut
edir ki, ölkəmizin multikulturalizm
modeli burada məskunlaşmış etnosların
birgəyaşayış mövcudluqlarını
təmin edir.
Qəbələ rayonunda təşkil edilən "Din, mədəniyyət
və cəmiyyət-2” mövzusunda
"Qış məktəbi”
ziyarət və seminarlarla davam edib.
Tələbələr Qəbələ Rayon Mərkəzi
Məscidini ziyarət
ediblər. Məlumat verilib ki, burada
eyni vaxtda 450 kişi, 150 qadın olmaqla, ümumilikdə 600
mömin ibadət edə bilir. Məscidin divarlarına müqəddəs
Qurani-Kərimdən surələr
yazılmış, sütunları
isə Azərbaycan nəqqaşlıq məktəbinin
və Şərq ornamentlərinin nadir nümunələrindən
istifadə olunmaqla dini rəmzlərlə bəzədilib. Məscidin həyətində
isə axund, dərs, kitabxana, mərasim, qadın və kişilər üçün dəstəmaz
otaqları və digər köməkçi
tikililər inşa olunub.
Tələbələr Soltannuxa Kənd Türbəsinə təşkil
olunmuş ekskursiya zamanı ziyarətgah haqqında geniş məlumat əldə ediblər. Ziyarətçilərə
məlumat verilib ki, türbənin 200 ilə yaxın tarixi var. Burada təxminən 179 il əvvəl "Şeşpər” adlı
din xadiminin yaşadığı,
onun İslam dininə böyük xidmətlər göstərsə
də, əsər yazıb-yazmamasına dair məlumatın olmadığı
diqqətə çatdırılıb.
Daha sonra tələbələr
MİRAS Mədəni İrsin
Öyrənilməsinə Kömək
İctimai Birliyi İdarə Heyətinin sədri Fariz Xəlillinin təqdimatında
"Azərbaycanda xanəgahlar”
mövzusunda məruzəni
dinləyiblər. Azərbaycan ərazisində islam arxeologiyasının ən
qədim abidələrinin
inşasının VIII əsrin
sonu, IX əsrin əvvəllərindən başlandığını
vurğulayan F.Xəlilli
Azərbaycan arxeologiyasının
müasir nailiyyətləri,
həmçinin çağdaş
dünya arxeologiyası
barədə tələbələrin
dərin biliklərə
yiyələnməsinin vacib
olduğunu tövsiyə
edib. O həmçinin
qeyd edib ki, Azərbaycanda dövlət siyasətinin
əsas istiqamətlərindən
biri də maddi-mədəni irsimizin qorunmasıdır. F.Xəlilli Qəbələ
ərazisində yerləşən
abidələrimiz haqqında
ətraflı məlumat
verib.
Xatırladaq ki, "Qış məktəbi”nin təşkilində
əsas məqsəd tələbələrin dünyagörüşünün
zənginləşdirilməsi, onların ölkəmizdə
mövcud multikultural,
tolerant mühitin canlı
şahidi olmasına çalışmaqdır.
Yasəmən MUSAYEVA
Azərbaycan.-
2020.- 7 fevral.- S.8.