Azərbaycanda koronavirusa
qarşı təxirəsalınmaz tədbirlər davam edir
Ölkədə virusa yoluxmuş üç nəfər artıq sağalıb
Azərbaycanda koronavirus infeksiyası ilə bağlı vəziyyət ciddi nəzarət altındadır. Koronavirus xəstəliyinin Azərbaycan ərazisində yarada biləcəyi təhlükənin qarşısının alınması, profilaktik və təxirəsalınmaz tədbirlərin operativ həyata keçirilməsi məqsədilə Nazirlər Kabinetinin yanında aidiyyəti dövlət orqanlarının və qurumlarının rəhbər şəxslərindən ibarət qərargah yaradılıb.
Virusun yayılmasının qarşısının alınması və profilaktikası, əhalinin sağlamlığının mühafizəsi ilə bağlı bütün lazımi tədbirlər ən yüksək səviyyədə davam etdirilir.
Koronavirus təhlükəsinə görə, paytaxtda və respublikanın müxtəlif regionlarında mart ayında keçirilməli olan ənənəvi Novruz şənlikləri ləğv edilib.
Nazirlər Kabinetinin yanında Operativ Qərargahın yaydığı məlumatda bildirilir ki, virusun dünya üzrə əhatə dairəsi genişləndiyindən ölkəmizdə də müvafiq profilaktik tədbirlər gücləndirilib. Qərargah mütəxəssislərlə aparılan məsləhətləşmələrdən və Dünya Səhiyyə Təşkilatının tövsiyələrindən irəli gələrək ayrı-ayrı qurumları yaxın müddətdə hər hansı kütləvi tədbir keçirməməyə, artıq təyin olunan tədbirlərin tarixini isə dəyişdirməyə çağırır. Həmçinin adamların sıx toplaşdığı məkanlarda virusa yoluxma riski yüksək olduğundan, qarşıdakı aylarda toy və bu cür məclislərin təxirə salınması, yas mərasimlərinin isə kütləvi keçirilməməsi tövsiyə edilir.
Virusun
geniş yayılmasının qarşısının
alınması məqsədilə Azərbaycan hökuməti
tərəfindən aparılan tədbirlərə dəstək
olaraq vətəndaşlar bir daha adamların sıx
toplaşdığı yerlərdən, qapalı məkanlardan
uzaq durmağa, xarici ölkələrə, eyni zamanda risk qrupu
ölkələrinə səfərlərini təxirə
salmağa, vacib səfərlər zamanı isə qoruyucu tədbirlərə
maksimum riayət etməyə çağırılır.
Ölkə
xaricindən gələnlər 14 gün ərzində
bunlara riayət etməlidirlər
Tibbi Ərazi Bölmələrini
İdarəetmə Birliyi (TƏBİB)
ölkə xaricindən gələnlər üçün
14 gün müddətində etməli
olduqları qaydaları açıqlayıb. TƏBİB-dən
verilən məlumata görə, ölkə xaricindən son 14 gün ərzində
gələnlər buradakı ilk 14
günlərini evdə keçirməlidirlər.
Həmin şəxslərin olduqları məkan tez-tez havalandırılmalıdır. Onlar mümkün qədər az insanla təmasda olmalıdırlar. Yaşlı və xroniki xəstəliyi olan insanlarla təmas olmamalı, əllər sabunla tez-tez yuyulmalıdır. Evdən çıxanda mütləq maska taxılmalıdır. Soyuqdəymə əlamətlərində mütləq 103 (Bakı daxili) və 113 (Bakıdan kənar) təcili yardım nömrələrinə zəng edilməlidir.
Məktəblərin
bağlanması ilə əlaqədar teledərslərə start verilib
Nazirlər Kabinetinin sərəncamına əsasən, yoluxma hallarının qarşısının alınması və ölkə ərazisində yerləşən bütün təhsil müəssisələrində tibbi-profilaktik, dezinfeksiyaedici və digər qabaqlayıcı tədbirlərin davam etdirilməsi məqsədilə 2020-ci ilin mart ayının 10-dan 20-dək (ilk tədris günü mart ayının 27-si müəyyən edilir) bütün təhsil müəssisələrində tədris, təlim-tərbiyə prosesi dayandırılıb və bununla bağlı bütün tədbirlər təxirə salınıb.
Ona görə də martın 11-dən etibarən "Azərbaycan Televiziya və Radio Verilişləri” Qapalı Səhmdar Cəmiyyətinin "Mədəniyyət” kanalında "Dərs vaxtı” adlı teledərslərə start verilib. Təhsil Nazirliyi ilə birgə həyata keçirilən layihə səhər saat 10:00-da başlayıb, fasilələrlə saat 16:00-dək davam edir.
Teledərslər bütün sinifləri əhatə edir, dərs mövzularına dair qısa izah və təlimatlar təqdim olunur. Belə ki, ibtidai sinif şagirdləri üçün "Azərbaycan dili”, "Riyaziyyat”, "Həyat bilgisi”, "Təsviri incəsənət”, "Xarici dil”, 5-11-ci sinif şagirdləri üçün isə "Azərbaycan dili”, "Riyaziyyat”, "Xarici dil”, "Tarix”, "Coğrafiya”, "Kimya”, "Fizika”, "Biologiya” fənləri üzrə qısa videodərslər təqdim edilir. Dərslər mart ayının 27-nə kimi həftəiçi hər gün yayımlanacaq.
Qoruqlarda da dezinfeksiya işi
aparılıb
Dövlət Turizm Agentliyinin (DTA) tabeliyində fəaliyyət göstərən qoruq və təhsil müəssisələrində 5-7 martda koronavirus (COVID-19) epidemiyasına qarşı tibbi-profilaktik, dezinfeksiyaedici tədbirlər həyata keçirilib.
DTA-dan verilən məlumata görə, Nazirlər Kabinetinin yanında Operativ Qərargahın bütün təhsil müəssisələrində dezinfeksiya işlərinin aparılması ilə bağlı qərarına uyğun olaraq Azərbaycan Turizm və Menecement Universiteti, Bakı Turizm Peşə Məktəbi və Mingəçevir Turizm Kollecinin tədris binalarında və həyətyanı sahələrində bu istiqamətdə tədbirlər görülüb.
Eyni zamanda Şəkinin "Yuxarı Baş” Dövlət Tarix-Memarlıq Qoruğunun Narın Qala divarları daxilində, eləcə də digər obyektlərdə dezinfeksiya işləri aparılıb, qabaqlayıcı tədbirlərin həyata keçirilməsi intensivləşdirilib.
Dezinfeksiya
işləri qoruğun inzibati binalarında, Şəki Xan
Sarayı və onun həyətində, Dairəvi Məbəd,
Şəki xanlarının ev muzeyi, Şəki
Tarix-Diyarşünaslıq Muzeyi, Şəki Dövlət Rəsm
Qalereyası, "Sənətkarlar evi” binası və digər
obyektlərdə həyata keçirilib.
"Kiş” Tarix-Memarlıq Qoruğunun obyektlərində də dezinfeksiya işləri baş tutub. Dezinfeksiya işlərinin aparıldığı obyektlər martın 8-dən etibarən xidmətə açılıb. Mart və aprel ayları ərzində Dövlət Turizm Agentliyinin tabeliyindəki digər qoruqlarda da önləyici tədbirlərin görülməsi planlaşdırılır.
Daxili turizm üzrə
layihələrdə dəyişiklik yoxdur
DTA-nın mətbuat katibi Kənan Quluzadə məlumat verib ki, yanvar və fevral aylarında Azərbaycana gələnlərin sayı artıb. Fevral ayının sonunda ötən illə müqayisədə Azərbaycana gələn turistlərin sayında 17 faizə yaxın artım müşahidə olunub. Bu dövr koronavirusun başlanğıc dövrü olduğu üçün bu sahədə geriləmə rəqəmlərdə özünü göstərməyib.
Onun sözlərinə
görə, həmin dövrdə qonşu
ölkələrdən - Rusiya, İran, Gürcüstandan
Azərbaycana gələnlərin sayı artıb. Ancaq mart-aprel
aylarında qlobal böhranın təsiri turizmdə hiss ediləcək.
Agentliyin
Aparat rəhbəri Kənan Qasımov isə qeyd edib
ki, koronavirus təhlükəsinə görə
dünya turizmində
30-40 faizə qədər
azalma müşahidə
olunur: "Ancaq məlumatlar gündəlik
olaraq dəyişir. Hazırda panika üçün səbəb yoxdur”.
K.Qasımov deyib ki, Azərbaycan prosesin idarəedilməsini kifayət
qədər yüksək
aparır: "Hesab edirik ki, Azərbaycan
bu böhranı keçə biləcək.
Bizim daxili turizm üzrə
layihələrimizdə dəyişiklik
yoxdur və bütün layihələr
öz axarı ilə davam edir”.
Koronavirus infeksiyası aşkarlanmış
şəxslərin səhhəti
ciddi nəzarət altındadır
Nazirlər Kabinetinin yanında
Operativ Qərargahdan verilən məlumata görə, 10 mart tarixində
İran İslam Respublikasından qayıdan
Azərbaycan Respublikasının
1960-cı və 1984-cü il təvəllüdlü
iki vətəndaşında
koronavirus infeksiyasına
yoluxma faktı qeydə alınıb. Müvafiq qaydalara uyğun olaraq həmin şəxslər xüsusi
rejimli xəstəxanalara
yerləşdiriliblər. Məlumata əsasən, hazırda pasiyentlərin səhhəti
normaldır, vəziyyətləri
sabitdir. Həmin şəxslərin
müalicəsi ilə
bağlı müvafiq
tədbirlər həyata
keçirilir.
Bildirilib
ki, əvvəl koronavirus infeksiyasına yoluxduqları müəyyən
edilmiş 1973-cü, 1997-ci və 1998-ci il
təvəllüdlü 3 Azərbaycan
vətəndaşı xüsusi
rejimli xəstəxanalarda
müvafiq müalicə
alaraq sağalıb və evə buraxılıb.
Koronavirus infeksiyası aşkarlanmış
digər şəxslərin
xüsusi rejimli xəstəxanalarda müalicəsi
davam etdirilir, onların səhhəti ciddi nəzarət altında saxlanılır.
Koronavirus dünyada
Çinin Uhan şəhərindən
yayılan koronavirus dünyanı bürüməkdə
davam edir. Son məlumata əsasən,
119 ölkə üzrə
ümumilikdə 119220 (yeni
297) yoluxma halı baş verib. Koronavirusdan ölənlərin ümumi
sayı 4299 (yeni 25), sağalanlar isə 66564 (yeni 1400) təşkil edir.
Türkiyənin Səhiyyə naziri Fahrettin Koca ölkədə koronavirusa
ilk yoluxma hadisəsinin
qeydə alındığını
bildirib. Nazir deyib ki, xəstə kişidir.
Türkiyə vətəndaşı olan həmin şəxs bu yaxınlarda Avropadan qayıdıb. Onun vəziyyəti
sabitdir və karantinə yerləşdirilib.
Gürcüstanın Ətraf Mühitin Mühafizəsi və Kənd Təsərrüfatı
nazirinin müavini Yuri
Nozadzenin koronavirusa yoluxması təsdiqlənib. Nazirliyin məlumatında
bildirilib ki, nazir müavininin analizləri martın 10-da
müsbət cavablanıb.
Hazırda onun ailəsinin
də izolyasiya şəraitində qaldığı
bildirilir.
Çin Xalq Respublikasında koronavirusla bağlı vəziyyət yaxşılaşmaqdadır. Belə
ki, son sutka ərzində virusa yoluxan 1578 nəfər sağalıb, 24 nəfər
xəstəliyə yoluxub,
22 nəfər isə
həyatını itirib.
Gigiyena və Səhiyyə Məsələləri
üzrə Dövlət
Komitəsinin məlumatına
görə, ümumilikdə
ölkədə koronavirusa
yoluxan xəstələrin
sayı 80,7 min nəfərə
çatıb, onlardan
61,4 min nəfəri sağalıb,
3158 nəfəri ölüb.
Çin hökuməti virusun yayılmasının azaldığı
üçün Uhanda
yaradılmış müvəqqəti
xəstəxanaları bağlamaq
qərarı verib.
İtaliyada olan Azərbaycan
vətəndaşlarına müraciət edildi
İtaliya Nazirlər Şurasının
yanında Mülki Müdafiə departamentinin
yaydığı son məlumata
(9 mart, 18:00) görə, ölkə
ərazisində virusa
yoluxanların sayı
7985 nəfər, virusdan
ölüm halları
isə 463 nəfər
təşkil edir və 724 nəfərdə
sağalma qeydə alınıb.
İtaliya ərazisində koronavirus epidemiyasına yoluxanların
sayında kəskin artımın qeydə alınması ilə əlaqədar olaraq, virusun daha geniş
ərazilərə nüfuz
etməsinin qarşısının
alınması məqsədilə
martın 9-da İtaliya
hökuməti tərəfindən
əlavə təxirəsalınmaz
və preventiv tədbirlərin görülməsini
nəzərdə tutan
yeni qərar qəbul edilib. Qərarı baş nazir Cüzeppe Konte imzalayıb.
Azərbaycan Respublikası Diasporla İş üzrə Dövlət Komitəsindən
verilən məlumata görə, yeni qərarda martın 10-dan aprelin 3-dək İtaliyanın
bütün ərazisinin
"qapalı zona” elan olunduğu bildirilib.
Virusun ilk olaraq
yayıldığı "qırmızı zona”da Lombardiya regionunda və digər 14 əyalətdə tətbiq
olunan aşağıdakı
ciddi qayda və məhdudiyyətlərin
bütün ölkə
ərazisinə şamil
olunması nəzərdə
tutulur:
- iş xarakterli və ya sağlamlıq
vəziyyəti ilə
əlaqədar olanlar istisna olmaqla, giriş və çıxışın qadağan
olunması. Zəruri ərzaq məhsullarının
alınması məqsədilə
hər ailədən yalnız bir nəfərin evdən çıxmasına icazə
verilməsi, maksimum çox vaxt ərzində evdə qalmağa üstünlük
verilməsi;
- virusa yoluxmuş
bütün şəxslər
üçün məcburi
və ciddi karantin rejiminin tətbiq olunması;
- bütün təhsil müəssisələrinin
bağlanması;
- bütün muzey, kino, teatr,
idman zalları, istirahət mərkəzləri,
diskoteka, bar və oyun mərkəzlərinin
bağlanması;
- futbol oyunları
da daxil olmaqla bütün kütləvi tədbirlərin
qadağan olunması;
- yalnız ərzaq
mağazalarının saat
6:00-dan 18:00-dək məhdud rejimdə çalışması
və müştərilər
arasında 1 metrlik təhlükəsizlik məsafəsinin
qorunmasına ciddi nəzarət edilməsi;
- kilsə və
digər dini mərkəzlərin məhdud
rejimdə çalışması,
bütün kütləvi
mərasimlərin keçirilməsinin
qadağan olunması və s.
Qərarda qeyd olunan təhlükəsizlik
qaydalarının pozulmasına
görə inzibati və cinayət məsuliyyəti də nəzərdə tutulur.
İtaliya ərazisində olan və müvəqqəti səfərə gəlmiş
xarici ölkə vətəndaşlarına və
turistlərə öz
ölkələrinə qayıtmalarına
icazə verilir.
Azərbaycanın İtaliyadakı səfirliyi
bu ölkə ərazisində olan bütün azərbaycanlıların
baş verən epidemioloji vəziyyət ilə bağlı İtaliya hökumətinin
qəbul etdiyi qayda və tövsiyələrə
ciddi əməl etməyini xahiş edir.
Koronavirusdan qorunmaq üçün...
Dünya
Səhiyyə Təşkilatının,
Səhiyyə Nazirliyinin
və İcbari Tibbi Sığorta üzrə Dövlət Agentliyinin koronavirusla bağlı əhaliyə
tövsiyələri:
- əllərinizi yuyun: öskürdükdən
və asqırdıqdan
sonra, xəstələrə
qulluq edərkən, yemək hazırlayarkən,
əllərinizi çiy
və bişmiş qidalara toxundurduqda;
- öskürərkən və ya asqırarkən
ağız və burnunuzu dəsmal, köynəyinizin qolu və ya dirsək
bükümünüzlə örtün;
- istifadə olunmuş
dəsmalları qapalı
zibil qutusuna atın;
- xəstə insanlarla (onların gözlərinə, burnuna
və ya ağzına toxunmaq) və ev, ferma
və ya vəhşi heyvanlarla qorunmamış təmasdan
çəkinin;
- ət məhsullarını
və yumurtanı tam bişirin;
- heyvanlar və
heyvan məhsulları
ilə işləyərkən
qoruyucu xalat, əlcək və qoruyucu maska (üz qoruyucusu) geyinin.
Yasəmən
MUSAYEVA
Azərbaycan.-2020.- 12 mart.- S.4.