Ulu Öndərin
daha bir müqəddəs
vəsiyyəti yerinə yetirildi
Ulu Öndərimizin
daha bir müqəddəs vəsiyyəti
yerinə yetirildi!
Şuşa düşmən işğalından azad edildi!
Şuşa bizimdir!
Qarabağ Azərbaycandır!
Bu dövlətimizin qələbəsidir!
Bu xalqımızın qələbəsidir!
Bu ordumuzun qələbəsidir!
Dövləti bu qələbəyə İlham Əliyev gətirdi!
Xalqı bu qələbəyə İlham Əliyev səfərbər etdi!
Ordunu bu qələbəyə İlham Əliyev hazırladı!
Bu qələbənin şəriksiz və şəksiz qəhrəmanı da məhz cənab İlham Əliyevdir!
***
Şuşa qədim mədəniyyət mərkəzdir!
Şuşa ədəbiyyatımızın, musiqimizin, mənəviyyatımızın beşiyidir!
Şuşa şəhərlərimizin gözəli, dünya şəhərlərinin incisidir!
Şuşa xalqımızın sevgi ünvanı, ülviyyət məkanıdır!
Şuşanın işğalı sinəmizə çəkilən çalın-çarpaz dağ idi!
Şuşanın işğalı arxadan kürəyimizə saplanan bıçaq idi!
Şuşanın işğalı bir millət olaraq məğlubiyyətimiz idi!
Əslində Şuşa çirkin oyunların qurbanı oldu!
Şuşa vəzifəni qeyrətindən, pulu şərəfindən yüksək tutanların qurbanı oldu!
Şuşa "daqqa papaq” qoyanların xəyanətinin qurbanı oldu!
Şuşa hakimiyyət uğrunda aramsız mübarizənin qurbanı oldu!
Şuşa ölkədə sabitliyin pozulmasının, qarşıdurmanın, Vətən uğrunda, milli maraqlar naminə birləşə bilməməyimizin qurbanı oldu!
Beləliklə, Şuşanı itirdik!
Uzun müddətə itirdik!
Ağrıya-ağrıya, ağlaya-ağlaya itirdik!
***
Düşmən Şuşanın dəyərini yaxşı bilirdi!
Ona məxsus olmasa da, özününküləşdirməyə çalışırdı və bu istiqamətdə nə bacarırdısa, edirdi!
Adını dəyişdirdi...
Xalqımıza məxsus tarixi, mədəni abidələri varvarcasına məhv etdi...
Qədim erməni şəhəri adı ilə dünya turizm mərkəzinə çevirməyə çalışdı...
Qondarma qurumun qondarma parlamentini Şuşaya köçürmək
istədi...
Şuşanı qondarma
"Dağlıq Qarabağ
Respublikasının” paytaxtına
çevirmək niyyətinə
düşdü...
Ermənistanın qudurmuş
rəhbərləri tez-tez
Şuşaya gəlir,
bizə acıq verən tədbirlər keçirir, şəhəri
özününküləşdirdiklərini
nümayiş etdirirdilər...
Quduran isə qırx gün gedər - demişlər.
***
Biz hamımız
Şuşanın qaytarılmasını
istəyirdik!
Biz hamımız
tezliklə Şuşaya
qovuşmaq istəyirdik!
Təəssüf ki, bəzən istəklə,
arzu ilə reallıq arasında məsafə çox uzun olur, çox!
Xalqımızı bu istəyinə Ali Baş Komandan cənab İlham Əliyev qovuşdurdu!
Uzun illər yorulmadan, dayanmadan, məqsədyönlü şəkildə
mübarizə aparmaqla!
Bu mübarizə
asan deyildi!
Biz bizdən güclülərlə çarpışmalı
olurduq!
Bu mübarizədə
qalib gəlməkdən
ötrü İlham Əliyev mümkün olmayanları belə gerçəkliyə çevirdi!
Ölkəyə rəhbərlik etdiyi 17 ildə Azərbaycanı iqtisadi cəhətdən gücləndirmək üçün
ardıcıl addımlar
atdı, beynəlxalq layihələri gerçəkləşdirərək
ölkəmizin maraqları
ilə dünyanın
aparıcı dövlətlərinin
maraqlarını uyğunlaşdırdı.
Zəngin karbohidrogen ehtiyatlarını
dünya bazarına çıxaran Azərbaycan
bundan böyük faydalar götürdü, iqtisadi imkanlarını genişləndirdi.
Beləliklə, iqtisadiyyatın digər sahələrinin inkişafına
da şərait yarandı.
Azərbaycan həm də əməkdaşlıq etdiyi
ölkələr hesabına
özünə yeni dostlar da qazandı.
İqtisadiyyatın güclənməsi
güclü ordu qurmağa, onu ən müasir silahlarla silahlandırmağa
imkan verdi.
Dost ölkələr
bu işdə bizə yaxından kömək göstərirdilər.
Prezident İlham
Əliyevin hücum diplomatiyasına keçidə
start verməsi, beynəlxalq
qurum və təşkilatlarda səmərəli
iş aparması haqq işimizin dəstəkləyənlərin sayını xeyli artırdı.
Ermənistanın yeni rəhbərliyi "Qarabağ Ermənistandır,
nöqtə” deməklə
sülh danışıqlarını
mənasız etdi!
Üstəlik işğalçı ölkə
bir qədər də irəli gedərək "yeni ərazilər uğrunda yeni müharibə” hədəsi ilə Azərbaycanı təhdid
etməyə başladı.
Düşmənin növbəti
təxribatına isə
Azərbaycan əks-hücumla
cavab verdi!
Beləliklə, işğal altındakı
torpaqlarımızın azadlığı
uğrunda ikinci Qarabağ müharibəsi
başladı.
İlk günlərdə Ermənistan
da, bütün dünya da Azərbaycan
Ordusunun qüdrətini,
yeni taktika ilə uğurla döyüşdüyünü gördü.
Amma düşmən
yenə sülhə gəlmək istəmir, müharibəni beynəlmiləlləşdirməyə
çalışırdı!
Ali Baş Komandan İlham Əliyev "Şuşasız
qələbəmiz yarımçıq
olar” söyləyərək
ordumuzun bütün torpaqlarımızı azad
etmək qətiyyətini
ortaya qoydu!
Xalq Prezidentimizə güclü dəstək verdi, yumruq
kimi onun ətrafında birləşdi!
Əsgər və zabitlərimiz qəhrəmanlıqla döyüşərək
bir-birinin ardınca şəhər, kənd və qəsəbələrimizi
işğaldan azad etməyə başladı.
Növbə Şuşaya
da çatdı!
Ali Baş Komandanın rəhbərliyi
ilə bu qədim şəhər də düşmən əsarətindən qurtuldu!
***
Şuşanın işğaldan
azad edilməsi Azərbaycan Ordusunun parlaq qələbəsidir!
Bu həm
də əsgər və zabitlərimizin ən çətin şəraitdə, dağlıq
ərazidə də uğurlu döyüş əməliyyatı apardıqlarının
əyani göstəricisidir.
Şuşanın alınması
Qarabağ uğrunda döyüşlərin yeni
mərhələsinə keçid
deməkdir!
Xalqımız bu möhtəşəm Qələbəni
elliklə, kütləvi
şəkildə bayram
etdi!
Düşmən isə yasa batdı.
Qalib ordunun Ali Baş Komandanı
İlham Əliyev də bu tarixi qələbə
münasibətilə Azərbaycan
xalqına müraciət
etdi.
Həmin müraciətdə
xalqı təbrik etməklə yanaşı,
hər birimizin ürəyindən keçənləri
də ifadə etdi:
"Əziz
Şuşa, sən azadsan!
Əziz Şuşa, biz qayıtmışıq!
Əziz Şuşa, biz səni
dirçəldəcəyik!
Şuşa bizimdir!
Qarabağ bizimdir!
Qarabağ Azərbaycandır!”
Bəxtiyar SADIQOV
Azərbaycan.- 2020.-13 noyabr.- S.1; 4.