Azərbaycan-İtaliya parlamentlərarası işçi qrupunun rəhbəri
İtaliya parlamentinin
üzvlərinə təşəkkür məktubları
ünvanlayıb
Azərbaycan-İtaliya parlamentlərarası işçi qrupunun rəhbəri Azər Kərimli İtaliya Senatının xarici əlaqələr daimi komissiyasının üzvü, iqtidar "5 Ulduz Hərəkatı" partiyasından olan senator Canluka Ferraraya, İtaliya parlamentində İtaliya-Azərbaycan Dostluq Assosiasiyasının sədri, "Liqa" partiyasından olan deputat Rossana Boldiyə, İtaliya-Azərbaycan Parlamentlərarası Dostluq Qrupunun sədri, İtaliya Senatının xarici əlaqələr daimi komissiyasının üzvü, "Liqa" partiyasından olan senator Stefano Lucidiyə, İtaliya Senatında "İrəli İtaliya" siyasi qrupunun sədr müavini, İtaliya-Azərbaycan Parlamentlərarası Dostluq Assosiasiyasının sədr müavini, senator Maria Rizzotiyə və İtaliya Senatının "Yaşasın İtaliya" partiyasından olan üzvü, senator Mauro Marinoya məktublar ünvanlayıb. Bu barədə AZƏRTAC-a Milli Məclisin Mətbuat və ictimaiyyətlə əlaqələr şöbəsindən bildirilib.
Ermənistanın
silahlı qüvvələri tərəfindən Azərbaycana
qarşı törədilən hərbi təxribatlarla
bağlı ədalətli mövqeyə görə minnətdarlığını
bildirən Azər Kərimli qeyd edib ki, İtaliya
parlamentinin adıçəkilən
üzvləri tərəfindən Azərbaycan
Respublikasının ərazi bütövlüyü
və suverenliyini dəstəkləməkdə
dəyişməz mövqeyin ifadə
olunması yüksək qiymətləndirilir. "Ermənistan-Azərbaycan
Dağlıq Qarabağ münaqişəsinə
haqlı münasibətiniz beynəlxalq hüquqa
hörmətin bariz nümunəsidir. Bu cür dəstək
münaqişənin beynəlxalq səviyyədə qəbul olunmuş norma və
prinsiplər çərçivəsində həllinə
kömək edəcək. Bütün
beynəlxalq ictimaiyyətin eyni mövqedən
çıxış edəcəyinə və ədaləti
dəstəkləmək üçün
səslərini yüksəldəcəyinə ümid
edirik", - deyə məktublarda qeyd olunur.
Azərbaycan.-
2020.-30 sentyabr.- S.5.