BSU-da payız semestrinin
imtahan sessiyası ilə bağlı mediatur keçirilib
Bakı Slavyan Universitetində
2019-2020-ci tədris ilinin
payız semestrinin imtahan sessiyası ilə bağlı mediatur keçirilib. Mediaturda
təhsil eksperti, Təhsil Nazirliyi yanında İctimai Şuranın sədri,
BSU-nun İctimai Etimad
Şurasının sədri,
Əməkdar elm xadimi,
professor Şahlar Əsgərov,
təhsil eksperti Kamran Əsədov və bir sıra
media əməkdaşları iştirak ediblər.
Mediatur iştirakçılarını əvvəlcə BSU-nun rektoru,
professor Nurlana Əliyeva
qəbul edib. Rektor bildirib
ki, "Təhsil millətin gələcəyi,
müstəqil dövlətin
təməlidir!” deyən
Ulu Öndər Heydər Əliyevin layiqli davamçısı,
Azərbaycan Respublikasının
Prezidenti İlham Əliyev insan kapitalının inkişafına,
potensialının ön
plana çıxarılmasına
böyük diqqət
və qayğı göstərir. Azərbaycan Respublikasının
Birinci vitse-prezidenti hörmətli Mehriban xanım Əliyeva da elm və təhsilin inkişafına
misilsiz töhfələr
verir. BSU-nun kollektivi bu diqqət
və qayğıdan ruhlanaraq daha əzmlə, məsuliyyətlə
fəaliyyət göstərir.
Rektor daha sonra media nümayəndələrinə
BSU-da həyata keçirilən mədəni-kütləvi
tədbirlər, respublika
və beynəlxalq miqyaslı elmi konfranslar, tədris və imtahan prosesinin səmərəli
təşkili, təhsilin
keyfiyyətinin yaxşılaşdırılması,
maddi-texniki bazanın gücləndirilməsi, insan
resurslarının inkişaf
etidirilməsi, beynəlxalq
əlaqələrin genişləndirilməsi,
ikili diplomların tətbiqi ilə bağlı xarici universitetlərlə aparılan
iş, eləcə də imtahan sessiyasına hazırlıq
barədə geniş
məlumat verib. Bildirilib ki, təhsil naziri Ceyhun Bayramov
"İmtahan sessiyasının
təşkili və keçirilməsi barədə”
6 dekabr 2019-cu il tarixli əmr imzalayıb. Həmin sənədə
əsasən, BSU-da da müvafiq əmr verilib. Həmin əmrdə
2019-2020-ci tədris ilinin
payız semestrinin imtahan sessiyasının tədris planlarına uyğun 7 yanvar-1 fevral
2020-ci il tarixlərində keçirilməsi,
imtahan sessiyasının
mövcud normativ sənədlər əsasında
təşkilinin müvafiq
strukturlar tərəfindən
təmin edilməsi öz əksini tapıb. Bunlardan savayı, həmin
əmrdə imtahanlara
nəzarət, tələbələrin
müraciətlərinə yerindəcə çevik şəkildə baxılması
da unudulmayıb.
Bu məqsədlə universitet rəhbərliyinin,
valideyn şuralarının,
tələbə ictimai
təşkilatlarının, mətbuat xidmətinin və ictimaiyyətin nümayəndələrinin də
daxil edildiyi 15 nəfərdən ibarət
İmtahan Qərargahı
yaradılıb.
İmtahanlarda şəffaflığı tam təmin
etmək üçün
fakültələrdə Apelyasiya
komissiyalarının qərarlarından
narazı qalan tələbələrin işlərinə
yenidən baxılması
məqsədi ilə universitetdə 12 nəfərlik
Apelyasiya Komissiyası
da təşkil olunub.
Verilən məlumatlardan aydın oldu ki, imtahan
sessiyasının yüksək
səviyyədə başa
çatması üçün
həyata keçirilən
tədbirlər yalnız
bunlardan ibarət deyil. Məsələn, universitetin
hər iki tədris korpusunda (7 və 4 nəfərdən
ibarət) yaradılmış
İşçi Qrupunun
vəzifəsi məhz
imtahan sessiyasında tələbələrin cavab
kartlarının kodlaşdırılması,
sənədlərinin düzgün
və səliqəli şəkildə tərtib
edlməsində onlara
yardım göstərməkdir.
Həmçinin ehtiyac yarandığı
təqdirdə Apelyasiya
Komissiyasının işinə
müxtəlif ixtisasları
təmsil edən mütəxəssislərin cəlb
edilməsi də nəzərdə tutulan məsələlərdəndir.
Rektor imtahan sessiyası ərəfəsində hər
bir tədris ilinin tələbələri
ilə ayrı-ayrılıqda
görüş keçirdiyini,
onlara öz tövsiyələrini verdiyini,
biliyin yeganə meyar olmasının izah edildiyini bildirib, məsləhət
saatlarının keçirildiyini
qeyd edib. Rektor vurğulayıb
ki, bütövlükdə
payız semestrinin imtahan sessiyası uğurla davam edir.
Tədris işləri
üzrə prorektor, professor Telman Cəfərov media təmsilçilərinin
imtahan prosesi ilə bağlı suallarını cavablandırdı.
Sonra mediatur iştirakçıları İmtahan
Qərargahının və
Apelyasiya Komissiyasının
fəaliyyəti ilə
tanış olublar. Media nümayəndələrinə
İmtahan Qərargahının
və Apelyasiya Komissiyasının iş prinsipləri, tətbiq olunan yeniliklər, müraciətlərin qəbul
edilməsi, cavablandırılması
qaydaları və s. barədə ətraflı
məlumat verilib. Tələbələrin müraciətlərinə onların özlərinin və arzuladıqları təqdirdə valideynlərinin
iştirakı ilə
baxıldığı, buraxılmış
səhvlərin bir-bir
izah edildiyi, bir sözlə, ədalətə, obyektivliyə
tam zəmanət verildiyi
vurğulanıb. İmtahanlarla bağlı müraciətlərə
əvvəlcə fakültələrdə
fəaliyyət göstərən
Apelyasiya komissiyalarında,
burada həllini tapmadığı təqdirdə
isə universitetin Apelyasiya Komissiyasında baxıldığı qeyd
edilib.
İmtahan sessiyasının şəffaf
və obyektiv, qanun çərçivəsində
keçirilməsi üçün
fakültə dekanları,
kafedra müdirləri
və digər müvafiq struktur bölmə rəhbərləri
qarşısında konkret
vəzifələr qoyulub. İmtahanların keçirildiyi auditoriyalar
tam hazır vəziyyətə
gətirilib. Auditoriyalarda səliqə-sahman
təmin edilib, müşahidə kameraları
quraşdırılıb. Auditoriyalardakı "ağıllı lövhələr”də imtahanlarla
bağlı məlumatlar
öz əksini tapıb. İmtahan prosesinə nəzarət
edən nəzarətçi-müəllimlər,
İmtahan Qərargahının
və Apelyasiya Komissiyasının üzvləri
onlara tapşırılmış
vəzifələrin öhdəsindən
layiqincə gəlirlər.
Tələbələrin İmtahan Qərargahına
və Apelyasiya Komissiyasına etdikləri
müraciətlər çevik,
ədalətli və hərtərəfli araşdırılır.
Tələbələrin müraciətlərinin araşdırılmasına yoxlayıcı
müəllimlərlə yanaşı,
fənni tədris edənlər də cəlb edilir ki, bu da
qiymətləndirilmənin obyektivliyində vacib məsələdir.
Mediatur iştirakçıları
imtahanlar keçirilən
auditoriyalarda olub, bir daha deyilənlərin
şahidinə çevriliblər:
BSU-da imtahan prosesi şəffaf və obyektiv keçirilir. İmtahanlar vaxtında başlayır,
tələbələrə bilik səviyyələrini
nümayiş etdirmək
üçün hər
cür şərait yaradılıb. Yazılı imtahanların nəticələri
növbəti gün,
şifahi imtahanların
nəticələri isə
elə oradaca elan edilir.
Məhəmməd NƏRİMANOĞLU
Azərbaycan.- 2020.- 18 yanvar.- S.6.