Azərbaycan ilə İraq arasında mədəniyyət sahəsində əməkdaşlığın daha da genişləndirilməsi müzakirə olunub

 

Azərbaycan Respublikasının mədəniyyət naziri Anar Kərimov İraq Respublikasının ölkəmizdə rəsmi səfərdə olan rabitə naziri Arkan Şihab Əhməd Əl Şaibani ilə görüşüb.

Mədəniyyət Nazirliyindən AZƏRTAC-a bildirilib ki, qonaqları salamlayan nazir Anar Kərimov ölkələrimiz arasında münasibətlərin tarixi, mədəni dini bağlar üzərində inkişaf etdiyini vurğulayaraq həm ikitərəfli, həm çoxtərəfli çərçivələrdə əməkdaşlığın həyata keçirildiyini qeyd edib. Hazırkı səfərin ölkələrimiz arasında qarşılıqlı əlaqələrin genişləndirilməsi ilə yanaşı, ümumilikdə Azərbaycan İraq arasında münasibətlərin inkişafı baxımından faydalı müzakirələrin aparılması üçün imkanlar yaratdığını bildirib. 2011-ci ildə Azərbaycan Respublikasının Mədəniyyət Turizm Nazirliyi İraq Respublikasının Mədəniyyət Nazirliyi arasında mədəniyyət sahəsində əməkdaşlıq haqqında Anlaşma Memorandumundan söz açan nazir iki ölkə arasında mədəniyyət sahəsində əməkdaşlığın möhkəmləndirilməsi daha da inkişaf etdirilməsinin əhəmiyyətini qeyd edib.

İraqın Azərbaycanın ərazi bütövlüyünə hər zaman dəstək verdiyinə görə qarşı tərəfə təşəkkürünü bildirən Anar Kərimov Azərbaycan ərazilərinin bir hissəsinin 30 ilə yaxın davam edən işğalı dövründə Ermənistanın təcavüzkar işğalçı siyasəti nəticəsində Azərbaycan mədəniyyətinə irsinə dəymiş ziyan, vandalizm aktları barədə qarşı tərəfi məlumatlandırıb. Nazir İraqın Azərbaycandakı səfirinin işğaldan azad olunan ərazilərə səfərindən bəhs edərkən həmin ərazilərdə mədəniyyətlə bağlı bütün infrastrukturun, eləcə qəbiristanlıqlar, məscidlər, xristian abidələri digər məkanların erməni işğalçı qüvvələri tərəfindən məqsədli şəkildə dağıdıldığını diqqətə çatdırıb. Əlavə edib ki, Azərbaycan dövləti işğaldan azad olunan ərazilərdə geniş yenidənqurma bərpa işlərini həyata keçirir. Həmin ərazilərdə, o cümlədən Azərbaycanın mədəniyyət paytaxtı Şuşa şəhərində dini-etnik mənsubiyyətindən xarakterindən asılı olmayaraq bütün inanc yerlərinin qorunduğunu, İslam irsi ilə yanaşı, xristian abidələrinin, qədim kilsələrin bərpasına başlandığını qeyd edib.

Mədəniyyət Nazirliyinin beynəlxalq tərəfdaşlarla birgə başladığı УMədəniyyət naminə sülhФ (Peace4Culture) qlobal kampaniyasından danışan nazir əsas məqsədin Azərbaycanın işğaldan azad olunmuş ərazilərində mədəniyyətə qarşı törədilmiş soyqırımın, habelə ölkəmizin işğaldan azad olunmuş ərazilərində sülhün bərqərar olması ilə mədəniyyətin həyatın dirçəlməsinin başqa regionlara da nümunə ola biləcəyinin dünyaya çatdırılması olduğunu bildirib.

Qəbula görə təşəkkürünü bildirən İraqın rabitə naziri Arkan Şihab Azərbaycan İraq arasında ikitərəfli münasibətlərin mövcud inkişaf səviyyəsindən məmnunluğunu ifadə edib. Ölkələrimiz arasında ikitərəfli əlaqələrin genişləndirilməsini təmin etmək məqsədilə Azərbaycan Respublikası Hökuməti İraq Respublikası Hökuməti arasında ticarət, iqtisadi, elmi, texniki mədəni əməkdaşlıq üzrə Birgə Komissiyanın keçiriləcək iclasından söz açan nazir əməkdaşlığın genişləndirilməsi imkanları barədə fikirlərini səsləndirib.

Nazir A.Şihab qədim sivilizasiyaların məkanı olan İraqda tarixboyu çoxsaylı müharibələrin olduğunu, bu ərazidə yerləşən tarixi abidə tikililərin dağıntıya məruz qaldığını, mədəni irsə dair sənədlərin oğurlandığını vurğulayaraq bu baxımdan Azərbaycanın qarşılaşdığı vəziyyəti aydın şəkildə anladığını bildirib.

Nazir Anar Kərimov görüş zamanı İraq Respublikasının mədəniyyət nazirinin Azərbaycana dəvət olunması, iki ölkə arasında yeni sazişin imzalanması, İraq ərazisində yaşayan türkmənlərlə Azərbaycan xalqının tarixi-mədəni bağlılığı, dahi Azərbaycan şairi Füzulinin məqbərəsinin bərpası məsələlərinə toxunub.

Görüş ölkələr arasında mədəniyyətin müxtəlif sahələrində təcrübə mübadiləsinin əhəmiyyəti, habelə əməkdaşlığın gələcək perspektivlərinin müzakirəsi ilə davam edib.

 

Azərbaycan.- 2021.-7 avqust.- S.3.