Elm və istehsalat bir araya gəlir
SDU ilə Sumqayıt Texnologiyalar Parkı arasında memorandum imzalanıb
Sumqayıt Dövlət Universitetində
(SDU) Sumqayıt Texnologiyalar
Parkının (STP) rəhbərliyi
ilə görüş
keçirilib. Görüşdə STP MMC-nin baş direktoru Ruslan Ağabəyli rəhbərlik etdiyi sənaye parkının fəaliyyətindən danışıb,
SDU və STP arasında
əməkdaşlığın gələcək perspektivlərini,
müəssisələr arasında
əməkdaşlığın genişləndirilməsinin vacibliyini
vurğulayıb.
Bildirilib
ki, 2009-cu il
dekabr ayının
22-də Prezident İlham
Əliyevin iştirakı
ilə istismara verilən STP müxtəlif
istehsalat sahələri
üzrə ixtisaslaşmış
nəhəng zavodlar kompleksidir. Texnopark daxili bazarın
tələbatını tam ödəməklə bərabər,
həm də xarici bazara məhsullar
ixrac etmək qabiliyyətinə malikdir.
STP-nin bütün
zavodları Avropa istehsalı olan laboratoriyalarla təmin olunub və AZS ISO/IEC
17025-2009 standardlarına uyğun
akkreditə edilib.
Burada istehsal olunan bütün məhsulların
müvafiq sertifikatları
var. Bu gün STP-də
beynəlxalq standardlar
da tədbiq olunur.
İştirakçıların nəzərinə çatdırılıb
ki, Sumqayıt Dövlət Universiteti ölkənin və regionun nüfuzlu elmi-tədris mərkəzinə
çevrilib. Regionun elmi-mədəni elitasının formalaşmasını
təmin edən təhsil ocağında kadr potensialının inkişafı üçün
müxtəlif layihələr
gerçəkləşdirilir, mühüm uğurlara imza atılır. Universitetin rektoru professor Elxan Hüseynov rəhbərlik
etdiyi universitetin fəaliyyəti, beynəlxalq
əlaqələri barədə
məlumat verərək
bildirib ki, SDU bir çox müəssisələrlə əməkdaşlıq
müqaviləsi imzalayıb.
Nəticədə tələbələr ixtisaslarına uyğun təcrübədə olurlar
ki, bu da
günün tələbləri
səviyyəsində kadr
potensialının formalaşmasına
təkan verir.
Rektor onu da vurğulayıb ki, SDU-nun tarixində ilk dəfə olaraq 2017-ci ildən başlayaraq elmlər doktoru proqramı üzrə mütəxəssis hazırlığı
həyata keçirilir. Hazırda universitetdə
6 ixtisas üzrə 3 dissertasiya şurası da fəaliyyət göstərir. SDU Rusiya-Azərbaycan Universitetləri
assosiasiyasının üzvü
və assosiasiyanın
Azərbaycan tərəfdən
həmsədridir. Elm və təhsil sahəsində universitetlərin
əməkdaşlığı həm də ölkələrimizin intellektual
potensialının artmasına
kömək edir.
Elmin təhsilə, Avropa dəyərlərinə
inteqrasiyası istiqamətində
imza atdığı uğurlarla MDB məkanında,
Türkiyədə, bir
sıra Avropa ölkələrində fəaliyyət
göstərən universitet
bu gün təkcə maddi-texniki bazası, İKT-nin son naliyyətləri ilə təchiz olunmuş auditoriya, laboratoriyaları
ilə deyil, nüfuzlu alimləri, tanınmış müəllimləri,
mükəmməl biliklərə
malik kadr potensialı, professor-müəllim
heyəti ilə şöhrət qazanıb.
Görüşün sonunda tərəflər arasında əməkdaşlıq
memorandumu imzalanıb.
Akif ƏLİYEV
Azərbaycan.-2021.- 3 iyul.- S.7.