İlk musiqi alətindən çıxan not

Melodiyalara ahəng qatan, onları daha da dolğunlaşdıran musiqi alətləridir. Ən qədim musiqi aləti fleyta olaraq bilinir. Onun 50-60 min yaşının olduğu sübut edilib.

Bu alət dünya əhəmiyyətli xəzinə hesab edilir. Neandertal fleyta adlanan bu alət 1995-ci ildə Slovakiyada arxeoloq İvan Turk tərəfindən “Divje” mağarasından tapılıb. Fleyta cavan ayının sol bud sümüyündən hazırlanıb, 4 dəlikdən ibarətdir. Tədqiqatçılar bu dəliklərin təsadüfən yerləşdirilmədiyini, musiqi ahənginə uyğunlaşdırılaraq qoyulduğunu təsdiqləyiblər.

Aparılan araşdırmalardan sonra fleytanı çalmaq üçün gildən birəbir eynisi düzəldilib. Məşhur sənətçi L.Dimkaroski hazırlanan bu fleyta ilə Bethoven, Verdi, Ravel kimi bəstəkarların repertuarlarından olan musiqi parçalarını səsləndirib. Hətta o, sonralar bu fleyta ilə konsert də verib. Artıq hər kəs Dimkaroskinin yenidən nəfəs verdiyi bu fleyta ilə çalınan musiqiləri dinləyib keçmişə səyahət edə bilər.

Azərbaycan.- 2021.- 31 iyul.- S.7.