"Şuşa ili"nə parlament töhfəsi

 

 

Şuşa...

 

Qədim əsrarəngiz şəhər...

 

Dağların qoynunda, sıldırımlar üzərində inşa edilmiş qızılbürclü qəsr...

 

Qəhrəmanlığın, zəfərin, qürurun rəmz qalası...

 

Bu qədim əfsanəvi Azərbaycan şəhəri hər zaman yağılar üçün alınmaz qala, keçilməz sədd olub. Elə buna görədir ki, şəhərə sahibləndiklərini zənn edən erməni işğalçıları da Şuşanı "qələbə"lərinin rəmzi sayaraq işğalda saxladıqları 28 il ərzində orada möhkəmlənməyə, bu şəhərə yiyələnməyə çalışıblar. Erməni mənfurlarının saxta parlament yaratmaq Şuşada parlament binası tikmək kimi gülünc quduz iştahları da elə bu məkrli hisslərindən qaynaqlanıb. Amma 44 günlük Vətən müharibəsində Azərbaycan Prezidenti İlham Əliyevin rəhbərliyi ilə qazanılan parlaq zəfər sayəsində saxta erməni parlamenti , onun qondarma binası da cəhənnəmə vasil oldu.

İndi azad Şuşada üçrəngli Azərbaycan bayrağı dalğalanır. Qarabağımızın büllur sarayı dirçəlir, tarixi əzəmətinə qovuşur. Şuşada gerçəkləşən mühüm tarixi düşmənə böyük zərbə olan hadisələrdən biri isə ölkəmizin Ali Qanunverici Orqanı - Milli Məclisin  komitə iclasının ilk dəfə mədəniyyət paytaxtımızda keçirilməsi oldu...

 

 

 

Şuşa hər bir azərbaycanlını özünə çəkir

 

 

 "Şuşa hər birimizi özünə çəkir. Düzdür, mən burada - Şuşada müxtəlif tədbirlərin açılışlarında iştirak etmişdim. O tədbirlər ki, Şuşanın Azərbaycan xalqına, Azərbaycan mədəniyyətinə məxsus olduğunu bir daha təsdiqləyir. Amma eyni zamanda hər dəfə Şuşada hansısa tədbir nəzərdə tutulduqda böyük həvəslə, böyük sevgi ilə, məhəbbətlə Şuşaya gəlirdim hesab edirdim ki, bu günü mən məhz burada - Şuşada hər birimiz üçün əziz olan Cıdır düzündə qeyd etməliyəm bunu edirəm". 2021-ci il dekabrın 24-də Prezident İlham Əliyev 60 illik yubileyini qalib sərkərdə, Müzəffər Ali Baş Komandan kimi zəfərimizin qürur zirvəsi olan Şuşada qeyd etdiyi zaman Cıdır düzündən səsləndirdi bu qürurverici fikirləri.

Vətən müharibəsində Silahlı Qüvvələrin Ali Baş Komandanı olaraq "Şuşasız bizim işimiz yarımçıq olar", - deyə ordumuza qətiyyətli savaş parolu verərək hədəfi düzgün istiqamətləndirən İlham Əliyev 8 noyabrda qazanılan parlaq Zəfərdən sonra qurucu lider kimi azadlığına qovuşdurulan torpaqlarımızda genişmiqyaslı bərpa-quruculuq işlərinə start verdi. Xüsusilə Qarabağın baş tacı, hər bir azərbaycanlının mənəvi paytaxtı olan Şuşanın tarixi əzəmətinin, mədəni ruhunun özünə qaytarılması istiqamətində nəhəng layihələrin icrasına başlanıldı.

 

 

 

Şuşa tarixi günlərini yaşayır

 

 

 

Təsadüfi deyil ki, ötən il, işğaldan azad edilən torpaqlara 32 dəfə səfər edən İlham Əliyev düz 7 dəfə yolunu Şuşa şəhərindən saldı, mədəniyyət paytaxtımızda aparılan kompleks işlərin gedişatı ilə şəxsən tanış oldu. Dövlət başçısının hər gəlişində xalqımız, eləcə bütün dünya mənfur erməni vandalları tərəfindən 30 il ərzində viran qoyulan şəhərimizin necə möcüzəvi sürətlə dirçəldiyinin, simasının dəyişdiyinin şahidi oldu.

İndi azadlığına qovuşan əzəli əbədi yurdumuz Şuşa tarixi günlərini yaşayır, mötəbər tədbirlərə evsahibliyi edir. Prezident İlham Əliyev tərəfindən Azərbaycanın mədəniyyət paytaxtı elan edilən Şuşada illərdən sonra "Xarıbülbül" Musiqi Festivalı, Vaqifin bərpa olunan əzəmətli mavzoleyinin qarşısında "Vaqif Poeziya Günləri" keçirildi. Bu il qala şəhərimizin yaradılmasının 270 illiyi təntənəli şəkildə qeyd olunacaq. 2023-cü ildə isə ümumilikdə türk dünyasının qürur mənbəyi olan Şuşa "Türk Dünyasının Mədəniyyət Paytaxtı" kimi mədəni irsinin möhtəşəmliyi ilə bir daha qürurlanacaq.

 

 

 

Şuşada Milli Məclisin ilk komitə iclası keçirilib

 

 

 

Bu il aprelin 8-də Azərbaycanın ali qanunverici orqanı olan Milli Məclisin Şuşada ilk  dəfə Hüquq siyasəti dövlət quruculuğu Müdafiə, təhlükəsizlik korrupsiya ilə mübarizə komitələrinin birgə iclası keçirildi. Azərbaycan parlamentinin komitə iclasının Şuşada keçirilməsi Müzəffər Ali Baş Komandan İlham Əliyevin rəhbərliyi ilə rəşadətli ordumuzun 44 günlük Vətən müharibəsində əldə etdiyi tarixi zəfərin möhtəşəm nəticələrindəndir.

Azərbaycanın ərazi bütövlüyünün təmin olunmasının vacib göstəricilərindən biri kimi mühüm siyasi əhəmiyyət kəsb edən bu tədbir, həm də illərdir torpaqlarımıza göz dikən işğalçılara böyük zərbə oldu. Çünki erməni mənfurlarının saxta parlament yaratmaqŞuşada parlament binası tikmək kimi quduz iştahları Azərbaycanın 44 günlük Vətən müharibəsində qazandığı möhtəşəm qələbə sayəsində məhv oldu, işğalçıların 30 il ərzində özləri üçün qurduqları xəyal dünyaları darmadağın olaraq başlarına uçdu.

 

 

 

Şuşa şəhərində keçiriləcək növbəti komitə iclaslarının da qrafiki tərtib olunub

 

 

 

Parlamentin 12 aprel tarixli iclasında çıxışı zamanı Milli Məclisin Sədri Sahibə Qafarova komitə iclaslarının Şuşa şəhərində keçirilməsinin Prezidentin sərəncamı ilə elan edilmiş "Şuşa ili"nə töhfə vermək niyyəti ilə bağlı olduğunu bildirdi. Sədr onu da diqqətə çatdırdı ki, Milli Məclisin komitələrinin Şuşa şəhərində keçiriləcək iclaslarının qrafiki artıq tərtib olunub və komitə sədrlərinə təqdim ediləcək.

Qarabağın, Şuşanın əzəli sahibləri doğma yurdlarına qayıdıblar. Tarixi torpaqlarını hər ötən gün əvvəlki şanına və şöhrətinə qaytarırlar, dağıdılmış abidələrini, mədəni irslərini bərpa edirlər. Şuşada artıq bir çox dövlət qurumları uğurla fəaliyyət göstərir. Eyni zamanda qalib xalq olaraq Azərbaycan parlamentinin tarixində ilk dəfə olaraq Milli Məclisin komitə iclası azad Şuşada keçirildi. Bu, böyük tarixi hadisə olmaqla yanaşı, hər bir azərbaycanlı üçün qürurdur. Həm də onun göstəricisidir ki, doğma Şuşamız 28 il yarım davam edən işğal dövründə də heç vaxt yadları qəbul etmədi, sınmadı, əyilmədi. Hər daşına, ağacına, küçəsinə, məhəlləsinə, abidəsinə əbədi qovuşmuş azərbaycançılıq ruhunu yaşatdı və bu günümüzə, sabahımıza ötürdü.

 

 

Yasəmən MUSAYEVA,

Azərbaycan.-2022.- 14 aprel.- S.1;5.