Azərbaycan dünyanı Zəfər Qurultayına, Qarabağa çağırır...

İntibaha çağırır

Azərbaycan dünyanı,

Zəfər Qurultayına,

Qarabağa çağırır.

Qalib xalqın dilində

salamlayaq Şuşanı,

Qələbə himnimizi

oxumağa çağırır.

Zəfər Qurultayına.

Qarabağa çağırır.

Qalxsın qazi oğullar,

Danışsın dağ kürsüdən.

bütün Yer kürəsini

qızdırsın nəfəsimiz.

Şəhidlərin ruhuna

And içirik, ey Vətən,

nəğmə oxuyanda da,

rəqs eləyəndə də biz.

Bütün Yer kürəsini

Qızdırsın nəfəsimiz.

Qələbə bayrağımız, -

"Dəmir yumruq" havada!

Ali Baş Komandanın

tarixi göstərişi.

Yerin də zinətidir,

Şuşada dağların da, -

Şuşa Fatehlərinin

dəmir addım yerişi.

Ali Baş Komandanın

tarixi göstərişi.

İntibaha çağırır

Azərbaycan dünyanı.

Zəfər Qurultayına,

Qarabağa çağırır.

Qalib xalqın dilində

salamlayaq Şuşanı,

Qələbə himnimizi

Oxumağa çağırır.

Zəfər Qurultayına,

Qarabağa çağırır.

Nəriman HƏSƏNZADƏ,

xalq şairi

21 aprel 2022-ci il

Azərbaycan.- 2022.- 22 aprel.- S.1.