Milli Məclisin sədri Sahibə Qafarova Türkiyədə baş verən nəqliyyat qəzası ilə bağlı başsağlığı verib

Avqustun 21-də Milli Məclisin sədri Sahibə Qafarova Türkiyədə Qaziantep-Nizip yolunda baş vermiş nəqliyyat qəzası ilə bağlı tviter hesabında başsağlığı ünvanlayıb.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, sədr Sahibə Qafarova qardaş Türkiyə xalqına, həlak olanların ailələrinə və yaxınlarına dərin hüznlə başsağlığı verib.

Milli Məclisin sədri həlak olanlara Allahdan rəhmət, yaralananlara isə şəfa diləklərini çatdırıb.

Azərbaycan.- 2022.- 23 avqust.- S.4.