Masallının polis işçiləri
Milli Qəhrəman Səfəralı Məmmədovun
xatirəsini yad ediblər
Masallı Rayon Polis Şöbəsinin əməkdaşları Azərbaycanın ərazi bütövlüyü uğrunda gedən döyüşlərdə mərdlik və igidlik göstərərək şəhidlik zirvəsinə ucalmış polis əməkdaşı, Azərbaycanın Milli Qəhrəmanı Səfəralı Məmmədovun xatirəsini ehtiramla yad ediblər.
AZƏRTAC-ın bölgə müxbiri xəbər verir ki, polis işçiləri Milli Qəhrəman Səfəralı Məmmədovun büstü önünə gül dəstələri düzüb, ruhuna dualar oxuyublar.
Polis əməkdaşlarının, şəhidin döyüşçü yoldaşlarının və ictimaiyyət nümayəndlərinin iştirak etdiyi anım tədbirində çıxış edənlər Daxili İşlər Orqanlarında xidmət etmiş Səfəralı Məmmədovun həyat və döyüş yolunun hər bir gənc polis əməkdaşı, eləcə də Azərbaycan gənci üçün örnək olduğunu bildiriblər.
Qeyd edək ki, şəhid Səfəralı Məmmədov Ağdam Rayon Daxili İşlər Şöbəsində post-patrul batalyonunda tağım komandiri vəzifəsində xidmət edib. O, 1992-ci il fevralın 16-da Xocavənd rayonunun Qaradağlı kənd sakinlərini azğınlaşmış erməni dəstələrindən xilas edən zaman şəhid olub.
Səfəralı Qurban oğlu Məmmədov
ölümündən sonra “Azərbaycanın
Milli Qəhrəmanı” adına layiq görülüb. Masallı şəhərində küçələrdən
birinə, igid döyüşçünün
təhsil aldığı məktəbə onun
adı verilib, oxuduğu
məktəbin həyətində büstü
qoyulub, cəsur
döyüşçüyə həsr olunmuş
“Qəhrəman polis” adlı sənədli
film çəkilib.
Azərbaycan.-
2022.- 18 fevral.- S.6.