İntiqam Qasımzadə: Şuşada əvvəlki ənənələrin bərpa edildiyini görmək insana xoş ovqat bəxş edir

Şuşa mənim üçün çox doğmadır. Çünki burada anadan olmuşam. Dünyaya göz açdığım torpaqdan uzun illər ayrı qalmaq mənim üçün çox çətin idi. Allaha min şükür ki, Ali Baş Komandanın rəhbərliyi ilə rəşadətli Azərbaycan Ordusu Şuşa intizarımıza son qoydu. Şuşaya ayaq basmaq mənim üçün bayram kimidir. Bu dəfə ikiqat bayram sevinci yaşayıram. Çünki həm Şuşanı ziyarət edirəm, həm də Poeziya Günlərində iştirak edirəm.

Bunu AZƏRTAC-a müsahibəsində “Azərbaycan” jurnalının baş redaktoru, Əməkdar incəsənət xadimi İntiqam Qasımzadə deyib.

İ.Qasımzadənin sözlərinə görə, Vaqif Poeziya Günləri böyük şairin işığına yığışan qələm ustalarının bayramıdır. “Şuşada əvvəlki ənənələrin, çal-çağırın bərpa edildiyini görmək insana xoş ovqat bəxş edir. Azad və abad Şuşanı görməkdən çox qürurluyam. Mədəniyyət məkanında olmaqdan xoşbəxtəm", - deyə o qeyd edib.

Azərbaycan.-2022.- 16 iyul.- S.8.