Xanım İsmayılqızı: Şuşaya gəldiyimiz gündən çox qəribə hisslər yaşayırıq

Şuşaya gəldiyimiz gündən çox qəribə hisslər yaşayırıq. Bu hisslər doğmadır. Biz bu qələbə hissini 44 günlük Vətən müharibəsindən sonra da yaşamışdıq.

Bunu AZƏRTAC-a müsahibəsində Yazıçılar Birliyinin və Jurnalistlər Birliyinin üzvü, şair, bəstəkar Xanım İsmayılqızı deyib.

“Şuşada keçirilən Vaqif Poeziya Günlərində iştirakımı, Şuşanın, Cıdır düzünün ecazkarlığını, füsunkarlığını görməyimi sözlə ifadə edə bilmirəm. Şuşa həqiqətən də Qarabağın gözüdür, Azərbaycanın sərvətidir. Başda Azərbaycan Prezidenti İlham Əliyev olmaqla, bütün Ordumuza, igid oğullarımıza təşəkkür edirəm. Şəhidlərimizin ruhu qarşısında baş əyirik ki, bu günləri bizə nəsib etdilər. Bu gün artıq mədəniyyət beşiyi Şuşada şeir deyə bilir, hisslərimizi bölüşə bilirik”, - deyə Xanım İsmayılqızı qeyd edib.

Azərbaycan.-2022.- 16 iyul.- S.8.