Azərbaycan
Prezidentinin nüfuzunun daha bir nümayişi
Erməniəsilli
jurnalistin qərəzli cəhdləri tədbirin səviyyəsinə
xələl gətirə bilmədi
Məlum olduğu kimi, Prezident
İlham Əliyev bu il fevralın 23-də
TASS Agentliyində Rusiyanın aparıcı KİV-inin rəhbərləri
ilə görüşmüşdür.
TASS Agentliyinin Baş direktoru
Sergey Mixaylov tədbirə gəldiyinə görə Azərbaycan
Prezidentinə minnətdarlığını bildirmiş, belə
görüşlərin ənənəyə çevrilməsində
maraqlı olduğunu diqqətə
çatdırmışdır. Sözügedən
görüşdə birinci xanım Mehriban Əliyeva da
iştirak etmişdir.
“Rossiyskaya qazeta”nın baş
redaktorunun sualı ilə başlayan söhbətin əvvəlində
iki dövlət arasında imzalanan bəyannamə müzakirə olundu. Rusiya KİV-inin rəhbərləri
bu sənədin bağlanan digər müqavilələrdən
üstünlüyünün nədə olduğunu araşdırmaq üçün
suallarla İlham Əliyevə müraciət etdilər. Azərbaycan
Prezidenti belə hesab etdiyini bildirdi ki, “münasibətlərin
indiki formatı ali formatdır”.
Tədbirin
videogörüntülərinə baxdıqca hamının
diqqətlə dinlədiyi canlı diskussiyanın şahidi
oluruq. Azərbaycan Prezidentinin ona ünvanlanan bütün
suallara ətraflı və səlis cavab verməsi bu
görüşün xüsusi əhəmiyyətini qeyd edir.
Amma mikrofon “RT” telekanalı və
“Rossiya seqodnya” Beynəlxalq İnformasiya Agentliyinin erməniəsilli
baş redaktoru Marqarita Simonyanın əlinə keçən
kimi Azərbaycan və Rusiya
arasında bağlanan yüksək müqavilələrə
həsr edilmiş görüşün istiqamətini dəyişməyə
çalışan təhqiramiz davranışın şahidi
olduq. Simonyan Rusiya-Azərbaycan münasibətlərinin
inkşafına ermənilərə xas qərəzlilik, vəzifəsinə
yaraşmayan millətçilik
nümayiş etdirdi. Marqo yersiz, bəsit və
dayaz çıxışının əvvəlindən
axırına kimi yalan sözlərdən və iftiralardan ibarət
qılıncını başının üstünə
qaldırıb sağa-sola çırpmağa,
özünün əzabkeş və həm də Kremlə
yaxın surətinin məğlubedilməz heykəlini
ucaltmağa çalışdı. Çalışdıqca
da hamının gözündən düşdü. Marqo ona qarşı sanksiyaların tətbiq ediləcəyindən,
bir sıra ölkələrə çıxışına
qadağalar qoyulacağından danışdı. Rusiya mətbuatında
şər-böhtan yağdırmaqda, yalan danışmaqda ad
çıxaran erməniəsilli rus jurnalisti
çıxışını ermənilərin Azərbaycana
girişinə qoyulan mifik qadağalara bağlayaraq, xalqımızın
milli-mənəvi dəyərlərinə zərbə
vurmağa çalışan bir qənaətə gəldi:
“Beləliklə, Azərbaycan xalqı qəribə də olsa,
pis şəkildə təqdim olunur”.
Marqonun çənəsi betondeşən çəkic
kimi işə düşdüsə onu saxlamaq
qeyri-mümkündür. Ucundan tutub
ucuzluğa gedir. Bu tədbirdə də
M.Simonyan sırtıq və ədəbsiz tərzdə
hamıya nümayiş etdirdi ki, onun üçün Rusiya ilə
Azərbaycan arasında imzalanan saziş
gözdağıdır. Ona görə də
Marqo bu tədbirdə sazişdən başqa nədən desən
və necə desən danışmağa hazır idi.
Kremlə hamıdan yaxın
olduğunu nümayiş etdirməyə cəhd göstərməklə tədbirin
gedişatını ölkəmizə qarşı çevirmək
istəyən Marqarita Simonyanı 44 günlük Vətən
müharibəsində dünyanın ən məşhur
KİV təmsilçilərinin “dizini yerə qoyan” Azərbaycan
Prezidenti ilk cümləsi ilə yerinə otuzdurdu: “... Bizimlə bölüşdüyünüz
informasiya, yumşaq desək, həqiqətə uyğun deyil”.
Prezident İlham
Əliyev Simonyanın yalanlarını ifşa edən
çoxsaylı misallar gətirdi, Marqo razılaşanda isə
dövlətimizin başçısı iradını belə
bildirdi: “Bax, görürsünüz. Deməli,
sizin dediklərinizdə hər halda müəyyən qərəzlilik
var. Ermənistan nümayəndələri, hətta etnik ermənilər
Azərbaycana müxtəlif tədbirlərə gələndə
də eyni vəziyyət baş verir. Bir neçə il bundan əvvəl Katolikos Qareginin səfəri
olub, mən öz iş kabinetimdə onunla
görüşmüşəm. O, Bakının mərkəzində
erməni kilsəsində oldu və bu kilsədə erməni
dilində 5 mindən çox kitabı qoruyub
saxlamağımıza təəccübləndi, o, özü
buna şahiddir”.
Simonyan
tədbirin etik çərçivələrini gözləyib
susa bilərdi. Amma
sussaydı, Marqo gərək Marqo olmayaydı. O, susmadan
özünü hamının gözündə birnömrəli
jurnalist kimi göstərmək üçün dəridən-qabıqdan
çıxır, Azərbaycan
Prezidentindən müsbət cavab almasına baxmayaraq,
tutuquşu kimi dəfələrlə soruşurdu ki,
komandası ilə ölkəmizə
gələ bilərmi? Simonyan tədbirin
istiqamətini dəyişməyə, onun mahiyyətini
kiçiltməyə çalışdıqca
özünün necə nüfuzdan
düşdüyünü anlamırdı. İlham
Əliyev sakitcəsinə ona izah etdi ki, bizdə ermənilərin
gəlişinə qadağalar yoxdur, reallıqlar,
narahatlıqlar və müəyyən risklər var:
“Çünki təqribən 30 il ərzində Qarabağda və
Zəngəzurda bütün Azərbaycan mədəniyyəti,
tarixi, dini irsi məhv edilib... Bizdə indiyədək
itkin düşənlərimizin sayı təqribən 4 mindir.
Əfsuslar olsun ki, onlar bizə qaytarılmır
və kütləvi məzarlıqların yerləri
bildirilmir”.
Azərbaycan Prezidenti Simonyanı
başa saldı ki, İrəvandan fərqli olaraq, Bakı həmişə
çoxmillətli şəhər olub: “Monoetnik dövlət
olan, praktiki surətdə bütün milli azlıqların,
ilk növbədə, azərbaycanlıların deportasiya
edildiyi, qovulduğu Ermənistandan fərqli olaraq, Azərbaycan
indiyə qədər çoxmillətli dövlətdir. Buna görə də Azərbaycanda multikulturalizm ruhu
praktiki olaraq hər yerdə görünür və üstəlik,
Azərbaycanda erməni millətindən olan minlərlə Azərbaycan
vətəndaşı yaşayır”.
Tədbirdə ən
maraqlı məqamlardan biri Prezident İlham Əliyevin
Simonyanı Azərbaycana dəvət etməsi idi. Simonyan isə Prezidentin dəvətini
qulaqardına vurub yenə də soruşdu: “Mən Sizi düz
başa düşdümsə, belə hallarda, əgər biz
oraya qrup şəklində gəliriksə, müraciət etmək
olar?”
Simonyan mənasız dialoqu
uzatmağa cəhd etdikcə Azərbaycan Prezidentindən
sanballı cavablar alırdı. Ona səbirlə izah
edilirdi ki, Ermənistanla Azərbaycanı bir tərəzidə
çəkmək, bir müstəvidə müqayisə etmək
mümkün deyil. Əgər Azərbaycanda rus dilinə
maraq varsa, bu, bizim özümüz üçündür:
“Rus dilində təhsil almaq istəyənlərin - həm azərbaycanlıların,
həm qeyri-azərbaycanlıların belə imkanları olsun.
Bizim rus sektoru dediyimiz məktəblərə tələbat
çoxdur və dediyim kimi, həmin məktəblərdə
həm azərbaycanlılar, həm də qeyri-azərbaycanlılar
- 140 mindən çox uşaq və ali məktəblərin
rus bölmələrində 15 mindən çox Azərbaycan
vətəndaşı təhsil alır. Arayış
üçün deyim ki, Ermənistanda erməni millətinin
uşaqlarının qeyri-erməni məktəblərində
təhsil alması ya qanunvericiliklə, ya da hansısa təlimatlarla,
ümumiyyətlə, qadağan edilib”.
Azərbaycan Prezidenti məharətlə
müzakirəni öz məcrasına qaytarmaqla yanaşı,
kimin kim olduğunu da sübut edə bildi.
“Mənim 6 min işçim var” deyib “qürurlanan”
Marqo danışdıqca öz həmkarlarının
qarşısında nüfuzunu itirdiyini anlaya bildimi, görəsən?
6 min nəfərlik kollektivi ilə öyünməsi
də maraqlı faktdır. Məşədi
İbad demişkən, heç hənanın yeri idimi? Əsla bu 6 minlik kollektivi araşdırmaq niyyətində
deyilik. Amma heç olmasa biri haqqında
danışaq. Kremlin “sayılan təbliğatçı”larından
olan Simonyanın Kolumbiyanın narkobaronu Pablo Eskobarın məşuqəsini
işə götürməsi barədə xəbərlər
yayılmışdır. Marqo özü də bu xəbəri gizlətmir. Bu barədə sosial şəbəkələrdəki
səhifələrində belə yazıb: “Bizim yeni məşhur
aparıcımız narkobaron Pablo Eskobarın keçmiş məşuqəsidir”.
Marqonun 6 min işçisinin
nə qazandığını demək çətin olsa da,
onun öz qazancı Rusiyanın sosial şəbəkələrində
daim araşdırılan mövzulardandır. Hamı
Simonyanın ailəsinin və qohum-əqrabasının
Rusiyanın dövlət büdcəsini zəli kimi
sormasından yazır. Lakin Marqonun zəlidən bir fərqi
var ki, zəli doyduqdan sonra sorduğu yerdən əl çəkir,
amma Simonyan Rusiya büdcəsindən nə əl çəkə
bilir, nə də
doymağı bacarır. Son bir
neçə ildə Simonyan əri və bacısı ilə
birlikdə maaşlarından əlavə 700 milyon rubl
qazanıblar. Cimonyan əri Keosayanla birlikdə
“Aeroflot”dan və digər şirkətlərdən
yaxşı pullar qazanır. Marqonun
qazandığı pullar yüz milyonu da, milyardı da
aşır. Yalnız 2020-ci ildə Marqonun
qazancı milyarda yaxınlaşmışdı. Amma varlı olmaq heç də ağıllı və
nüfuz sahibi olmaq deyil. Simonyan Rusiya ictimaiyyəti
arasında ən aşağı nüfuza malik olan jurnalistlərindəndir,
eyni zamanda bütün postsovet məkanında neqativ nüfuz sahibidir. Onun
dünya çapına çıxardığı verilişlər rəğbət
qazanmaq gücündə deyil. Ərinin
apardığı verilişlər isə dəhşətli dərəcədə
əxlaqsızlığı ilə seçilir. Onun yeganə bacarığı dövlət büdcəsindən
ayrılan pulları məharətlə mənimsəməkdir.
Beləliklə, Marqarita
Simonyan tarixi biabırçılıqların baş qəhrəmanıdır. 2020-ci ildə Marqarita Ermənistanın
ən böyük kilsəsində ermənilikdən
çıxarılıb! Bu nə deməkdir, bilirsinizmi?.. İttihamın mahiyyəti ondan ibarət idi
ki, Marqarita Simonyan Paşinyanı Amerika ilə qədərindən
artıq əməkdaşlıqda və Krımın
tanınmamasında ittiham etmişdi... Hər bir
erməni üçün qazanc hər şeydən
üstündür.
Bahadur
İMANQULİYEV
Azərbaycan.- 2022.- 1 mart.- S.1; 5.