Azərbaycanın
tarixi uğuru
İlham
Əliyev Ermənistanı daha bir mühüm geostrateji əhəmiyyətə
malik layihədən kənardaqoydu
Bu
günlərdə xalqımız Vətən müharibəsindən
sonra Azərbaycanın müasir tarixinin növbəti əlamətdar
hadisəsinə şahidlik etdi. Zəngəzur dəhlizi ilə
bağlı Ermənistanın maneçiliklər yaradaraq
növbəti dəfə tarixi səhvlərə yol verdiyi bir
vaxtda Azərbaycanla İran arasında yeni kommunikasiya
bağlantılarının yaradılması haqqında
anlaşma memorandumu imzalandı.
Şərqi
Zəngəzurla Naxçıvan arasında yeni kommunikasiya
bağlantıları yaradılır
Bu tarixi sənəd İran ərazisindən
keçməklə Azərbaycanın Şərqi Zəngəzur
iqtisadi rayonu ilə Naxçıvan Muxtar Respublikası
arasında yeni kommunikasiya bağlantılarının
yaradılmasını nəzərdə tutur. Daha dəqiq ifadə
etsək, memorandumun məqsədi respublikamızın əsas
hissəsi ilə Naxçıvan arasında yeni dəmir yolu,
avtomobil yolu əlaqəsinin, eləcə də rabitə və
enerji təminatı xətlərinin yaradılmasından ibarətdir.
Məlum olduğu kimi, Azərbaycan
mühüm nəqliyyat-kommunikasiya dəhlizlərinin
yaradılması prosesinin əsas təşəbbüskarı
və aparıcı iştirakçılarından biridir.
Tranzit imkanlarının müasir dövrdə ölkənin
iqtisadiyyatında, regional və beynəlxalq mövqeyində
rolunu düzgün qiymətləndirən Prezident İlham
Əliyevin yürütdüyü siyasətin nəticəsi
olaraq qlobal nəqliyyat dəhlizləri
məhz ölkəmizdən keçir.
Respublikamızın bu sahədə
həyata keçirdiyi siyasət həm də regionda və
daha böyük coğrafiyada iqtisadi-ticarət əlaqələrinin
inkişaf etdirilməsinə və qonşu ölkələrin
bu inkişafdan faydalanmasına yönəlib. Təsadüfi deyil ki, Azərbaycanın
bu istiqamətdə Rusiya, İran və Gürcüstanla
böyük əməkdaşlığı var.
Eyni zamanda Azərbaycanın
yürütdüyü enerji siyasəti regionda əməkdaşlığı
daha da gücləndirib. Respublikamızın təşəbbüsləri
ilə reallaşan hər bir enerji dəhlizi bütün
iştirakçı dövlətlərə iqtisadi dividendlər
gətirib, onların enerji təhlükəsizliyini daha da
gücləndirib. Ən mühümü də odur ki,
respublikamızın Cənubi Qafqazda həyata keçirdiyi hər
bir layihə Ermənistanın regionda təklənməsi ilə
nəticələnib. İşğalçılıq siyasətinə
görə bu ölkə bütün iqtisadi layihələrdən
kənarda qalıb, qlobal miqyasda heç bir rolu olmayan ölkəyə
çevrilib.
Azərbaycan
məqsədinə nail olur
Vətən müharibəsindən
sonra Ermənistanın iqtisadi böhrandan və blokadadan
çıxa bilməsi üçün tarixi zəmin
yaranmışdı. Azərbaycanın öz Zəfəri ilə
regiona gətirdiyi yeni reallıqlar Ermənistana da ağır
vəziyyətdən çıxmaq üçün
mühüm imkanlar yaradırdı. Çünki Zəngəzur
dəhlizinin yaradılması ilə onilliklər boyu
işğalçılıq siyasətinin qurbanı olan bu
ölkənin xarici aləmlə iqtisadi əlaqələri
genişlənəcəkdi. Lakin görünən odur ki, Ermənistan
tərəfi yaranmış bu tarixi şansı da
düzgün dəyərləndirə bilmir.
Məlum olduğu kimi, Zəngəzur
dəhlizi ilə açılacaq nəqliyyat və enerji xətlərinin
texniki əsaslandırılması da hazırlandı. Lakin Ermənistan
üzərinə götürdüyü öhdəliklərə
zidd olaraq, onun reallaşmasını əngəlləmək məqsədilə
müvafiq yer ayırmadı. Ötən müddət ərzində
bu ölkə Zəngəzur dəhlizinin yaradılmasına
maneçilik törətdi, müxtəlif bəhanələrlə,
qəsdən onu əngəlləməyə
çalışdı. Baxmayaraq ki, bu dəhlizin
yaradılması iqtisadi cəhətdən ciddi problemlər
yaşayan Ermənistanın özü üçün olduqca
mühüm əhəmiyyət kəsb edirdi.
Azərbaycanla İran arasında
imzalanan memorandumla ölkəmiz qarşısına qoyduğu
məqsədə nail olur. Sənədə əsasən Araz
çayı üzərində iki avtomobil (piyada keçidi ilə)
və iki dəmir yolu olmaqla ümumilikdə dörd
körpünün, o cümlədən də rabitə və
enerji təminatı infrastrukturunun tikintisi nəzərdə
tutulur. Həmin körpülər Ermənistanın dövlət
sərhədindən cəmi 5 km aralı inşa olunacaq. Şərqi
Zəngəzur iqtisadi rayonunu İranla birləşdirən
avtomobil körpüsünün, eləcə də rabitə və
enerji xətlərinin layihə sənədlərinin
hazırlanması, tikintisi və bu tikintiyə nəzarət
işləri üzrə bütün xərclər Azərbaycan
tərəfindən ödəniləcək. İranı
Naxçıvan MR-in Ordubad rayonu ilə birləşdirən
avtomobil körpüsünün layihə sənədlərinin
hazırlanması, tikintisi və tikintiyə nəzarət
işləri üzrə bütün xərcləri İran tərəfi
həyata keçirəcək.
Avtomobil yolu körpülərinin
tikintisi başa çatana qədər tərəflər
öz dövlətinin ərazisində avtomobil
yollarının zəruri tikinti, genişləndirmə və
yenidənqurma işlərini təmin edəcək, eyni zamanda
avtomobil körpüsünə giriş yollarının
tikintisini həyata keçirəcəklər. Avtomobil yoluna
paralel olaraq tikiləcək dəmir
yolunun maliyyələşdirilməsi və ödənilməsinə
dair təkliflər isə 6 ay
müddətinə hazırlanacaq.
Ermənistan
Zəngəzur dəhlizinin yaradılması üçün
yalvaracaq
Yeni layihə böyük iqtisadi
dividendlər gətirməklə yanaşı, həm də
Naxçıvan MR-in blokadadançıxmasında, muxtar
respublikanın Azərbaycanın əsas hissəsi ilə
etibarlı və davamlı bağlantısının
yaradılmasında mühüm rol oynayacaq. Bununla belə, yeni
kommunikasiya bağlantılarının yaradılmasında
başlıca məqsədin Azərbaycanın əsas hissəsinin
Naxçıvanla inteqrasiyasını təmin etməkdən
ibarət olması ilə yanaşı, bu layihənin
bütün regionun nəqliyyat-kommunikasiya şəbəkəsində
tarixi və strateji yeniliyə gətirib
çıxarmasıdır.
Bu strateji yenilikdə isə Ermənistana
yer yoxdur. Ermənistan rəhbərliyi elə
düşünürdü ki, belə bir kommunikasiya yalnız
onun ərazisindən keçə bilər və onun icazəsi
ilə yaradıla bilər. Ermənistan bu amili Azərbaycana
qarşı təsir vasitəsi kimi istifadə etməyi,
özündən asılı vəziyyətdə
saxlamağı planlamışdı. Lakin Azərbaycan-İran
dostluğu, yaxın qonşuluq münasibətləri Ermənistanın
bu planını alt-üst etdi. Təsadüfi deyil ki,
memorandumun imzalanması Azərbaycanla İran arasında
diplomatik münasibətlərin qurulmasının 30-cu
ildönümünə təsadüf etdi.
44 günlük Vətən
müharibəsi nəticəsində torpaqlarını
işğaldan azad edən Azərbaycan regionda yeni reallıqlar
yaratdı. Məhz bu amil ölkəmizin növbəti
diplomatik uğuruna yol acır və
Azərbaycanla İran birlikdə eyni coğrafiyada, Ermənistanın
sərhədindən cəmi 5 kilometr aralıda yeni kommunikasiya
bağlantısı yaradır. Beləliklə, Azərbaycan
öz planlarını reallaşdırır, Ermənistan isə
növbəti dəfə şansını itirərək
mühüm geostrateji əhəmiyyətə malik layihədən
kənarda qalır. Proseslər göstərir ki, bundan sonra Ermənistan
əl-ayağa düşəcək və Zəngəzur dəhlizinin
yaradılması üçün yalvaracaq.
Rəşad
CƏFƏRLİ
Azərbaycan.- 2022.- 15 mart.- S.1; 6.